వైభవంగా అయ్యప్ప మహాపడిపూజ
పెద్దశంకరంపేట;మండల కేంద్రంలో ఆదివారం మధ్యాహ్నం అయ్యప్ప మహాపడిపూజ కార్యక్రమాన్ని గురుస్వామి రామచంద్రాచారి అధ్వర్యంలో ఘనంగా నిర్వహించారు. స్థానిక రేణుకా ఎల్లమ్మ దేవాలయంలో గురుస్వామి జనార్దన్ గౌడ్ ఈ కార్యక్రమాన్ని చేపట్టారు. ఈ సందర్బంగా అయ్యప్ప స్వామికి పూలాభిషేకం, భస్మాభిషేకం, వివిధ రకాల అభిషేకాలు, ప్రత్యేక పూజలు, భజనలు నిర్వహించారు. వివిధ గ్రామాల నుండి తరలివచ్చిన భక్తులు చేపట్టిన అయ్యప్ప శరణుఘోష అందరిని ఆకట్టుకుంది. కార్యక్రమంలో గురుస్వాములు నర్సింహాచారి, మురళిపంతులు, పరంధాం తదితరులున్నారు.