స్నేహితుని కుటుంబానికి ఆర్థిక సహాయం అందజేత
లింగాల: రోడ్డు ప్రమాదంలో
మృతి చెందిన బాల్యమిత్రుడు దేశెట్టి శ్రీశైలం కుటుంబం పేదరికంతో మగ్గుతుండడాన్ని చూసి చలించిపోయిన లింగాల హై స్కూల్ 2010-11 పూర్వపు విద్యార్థులు తమ స్నేహితుని కుటుంబాన్ని ఆదుకుంటూ ఆర్థిక
సహాయం అందించి అందరికి
ఆదర్శంగా నిలిచిన సంఘటన జరిగింది. ఇంటికి పెద్ద దిక్కై కుటుంబాన్ని పోషిస్తున్న దేశెట్టి శ్రీశైలం చనిపోవడంతో
ఆ కుటుంబ ఆర్థిక ఇబ్బందులను దూరం చేసి ఆదుకోవాలని బాల్యమిత్రులు
పూనుకున్నారు.లింగాల హైస్కూల్లో 2010-11 విద్యా సంవత్సరం 10వ
తరగతి మిత్రులు ఆదివారం జరిగిన దశదినకర్మ లో పాల్గొని శ్రీశైలం చిత్రపటానికి పూలమాలలు వేసి ఘనంగా నివాళులర్పించారు. అనంతరం బాల్యమిత్రులు విరాళ రూపకంగా సేకరించిన 38 వేల రూపాయలను కుటుంబ సభ్యులకు అందజేశారు. కుటుంబానికి మనోధైర్యం కల్పించి, భవిష్యత్తులోనూ ఎల్లప్పుడూ తోడుగా ఉంటామని భరోసా ఇచ్చారు.పేదరికంతో
మగ్గుతున్న స్నేహితుని కుటుంబానికి ఆదుకుంటూ ఆర్థిక సహాయం అందజేసి
అండగా నిలిచిన బాల్య మిత్రులు అందరికీ ప్రేరణగా నిలిచారని పలువురు
అన్నారు.