తెలంగాణ ముదిరాజ్ మహాసభను జయప్రదం చేయండి..!
దుబ్బాక;తెలంగాణ ముదిరాజ్ మహాసభ 12వ మహాసభలు జయప్రదం చేయాలని దుబ్బాక 16వ వార్డు కౌన్సిలర్ దేవుని రాజు ముదిరాజ్ (బండల) తెలిపారు. మహాసభ పోస్టర్లను విడుదల చేసి మాట్లాడుతూ... దుబ్బాక ముదిరాజ్ సంఘం ఆధ్వర్యంలో వేడుకలను అత్యంత ఘనంగా నిర్వహించుకోవడం జరిగిందన్నారు. ఈ సందర్భంగా సంఘ సభ్యులతో కలిసి మహాసభ జెండాను ఆవిష్కరించరు. ఈ సందర్బంగా దుబ్బాక ముదిరాజ్ సంఘం అధ్యక్షులు మాడబోయిన రాజు(కటర్ ) మాట్లాడుతూ మత్స్యకారుల సంక్షేమం, ఆర్థిక అభ్యున్నతి, ముదిరాజ్ కులస్తుల ఐక్యత కోసం తెలంగాణ ముదిరాజ్ మహాసభ నిరంతరం కృషి చేస్తోందని పేర్కొన్నారు. ప్రభుత్వ పథకాలను అర్హులైన ప్రతి మత్స్యకార కుటుంబానికి అందేలా సంఘం తరపున చొరవ తీసుకుంటామని తెలిపారు. ముదిరాజుల హక్కుల సాధన కోసం తెలంగాణ ముదిరాజ్ మహాసభలను నిర్వహించడం జరుగుతుందన్నారు. ఈ కార్యక్రమంలో సంఘం నాయకులు, సభ్యులు దేవుని రాజు, దేవుని లక్ష్మయ్య, జంగిటి మల్లయ్య, చింతకింది నరసింహులు, బొజ్జ కనకయ్య, దేవుని ఎల్లయ్య, దేవుని బాలమల్లు(ఆర్టీసీ ), పరస కృష్ణ, మాడబోయిన బాలమల్లు, దేవుని భాస్కర్, మాడబోయిన శ్రీకాంత్ తదితరులు పాల్గొన్నారు.