సర్పంచ్గా విజయం సాధించాలని మల్లేశ్వరి పూజలు
పామూరు, మేజర్ న్యూస్ : మండలంలోని వగ్గంపల్లి పంచాయతీ సర్పంచ్ అభ్యర్థి బైరెడ్డి మల్లేశ్వరి ఆదివారం గ్రామంలోని శ్రీరాముల వారి స్వామి దేవస్థానంలో పూజలు నిర్వహించారు. పంచాయతీ ఎన్నికల్లో విజయం సాధించి గ్రామ ప్రజలకు సేవ చేసే అవకాశం కల్పించాలని స్వామివారిని ప్రార్థించారు. ఈ సందర్భంగా ఆమె మాట్లాడుతూ ఈ నెల 26న జరిగే సర్పంచ్ ఎన్నికల్లో తనకు కేటాయించిన మంచం గుర్తుపై ఓటు వేసి అఖండ మెజారిటీతో గెలిపించాలని గ్రామ ఓటర్లను కోరారు. ప్రజల ఆశీస్సులు, ఆదరణతో తనను గెలిపించి గ్రామానికి సేవ చేసే అవకాశం కల్పించాలని విజ్ఞప్తి చేశారు. ఈ కార్యక్రమంలో బైరెడ్డి రమాదేవి, ఎలికా లక్ష్మీకుమారి, బైరెడ్డి రత్నమ్మ, బైరెడ్డి పద్మ తదితరులు పాల్గొని ప్రత్యేక పూజలు నిర్వహించారు.