*శ్రీరాములపల్లిలో వైభవంగా ఆంజనేయస్వామి ఆలయ గడప ప్రతిష్ఠాపన మహోత్సవం*
కోహెడ;శ్రీరాములపల్లి గ్రామంలో శ్రీ ఆంజనేయ స్వామి ఆలయ పునర్నిర్మాణ కార్యక్రమంలో భాగంగా ఆదివారం గడప ప్రతిష్ఠాపన మహోత్సవాన్ని అత్యంత భక్తిశ్రద్ధలతో, అంగరంగ వైభవంగా నిర్వహించారు.వేద బ్రాహ్మణులైన ప్రసాద్ రావు శర్మ, విద్యాధర శర్మ ఆధ్వర్యంలో వేద మంత్రోచ్ఛారణలు, ప్రత్యేక పూజా కార్యక్రమాల నడుమ శాస్త్రోక్తంగా గడప ప్రతిష్ఠాపన కార్యక్రమం నిర్వహించారు. ఈ సందర్భంగా ఆలయ కమిటీ చైర్మన్ పోలు శ్రీనివాస్ మాట్లాడుతూ గ్రామ ప్రజలందరి సహకారం, భక్తుల భాగస్వామ్యంతో శ్రీ ఆంజనేయ స్వామి ఆలయ పునర్నిర్మాణ కార్యక్రమాన్ని చేపట్టడం ఎంతో సంతోషకరమని, ఈ పవిత్రమైన కార్యంలో ప్రతి ఒక్కరూ భాగస్వాములు కావాలని కోరారు. ఆలయ అభివృద్ధికి సహకరిస్తున్న దాతలకు, భక్తులకు ప్రత్యేక కృతజ్ఞతలు తెలియజేశారు. ఈ కార్యక్రమంలో ఆలయ కమిటీ ప్రధాన కార్యదర్శి జాలిగం రమేష్,ఆలయ కమిటీ సభ్యులు, పూజారులు వేముల వీరస్వామి,సకినాల రమేష్,గ్రామ పెద్దలు,ప్రజా ప్రతినిధులు,మహిళలు,యువకులు,భక్తులు మరియు గ్రామ ప్రజలు అధిక సంఖ్యలో పాల్గొని కార్యక్రమాన్ని విజయవంతం చేయడం జరిగింది.