నల్లంపల్లి గ్రామంలో విజయవంతంగా పల్స్ పోలియో కార్యక్రమం
రాయికోడ్; మండలంలోని నల్లంపల్లి గ్రామంలో ఆదివారం నాడు నిర్వహించిన పల్స్ పోలియో కార్యక్రమం విజయవంతంగా కొనసాగింది. ఈ సందర్భంగా ఐదేళ్లలోపు చిన్నారులందరికీ పోలియో చుక్కలు గ్రామ సర్పంచ్ రాధిక ఏసయ్య వేశారు.ఈ కార్యక్రమంలో ఆశా వర్కర్లు, అంగన్వాడీ టీచర్లు చురుకుగా పాల్గొని చిన్నారులకు పోలియో చుక్కలు వేసే కార్యక్రమాన్ని నిర్వహించారు. తల్లిదండ్రులు తమ పిల్లలను కేంద్రాలకు తీసుకువచ్చి పోలియో చుక్కలు వేయించారు.ఈ సందర్భంగా గ్రామ సర్పంచ్ నాగులపల్లి రాధిక యేసయ్య మాట్లాడుతూ.. పిల్లల ఆరోగ్యమే గ్రామ భవిష్యత్తుకు పునాది అని పేర్కొన్నారు. చిన్నారులను పోలియో మహమ్మారి నుంచి రక్షించేందుకు ప్రతి ఒక్కరూ బాధ్యతగా వ్యవహరించాలని సూచించారు. పల్స్ పోలియో కార్యక్రమాన్ని విజయవంతం చేసిన ఆశా వర్కర్లు, అంగన్వాడీ టీచర్లు, తల్లిదండ్రులు, గ్రామ ప్రజలకు ఆమె ప్రత్యేక కృతజ్ఞతలు తెలిపారు.