నన్నూరులో రూపవాణి విస్తృత ప్రచారం
నన్నూరులో రూపవాణి విస్తృత ప్రచారం
\- ఇంటింటికీ వెళ్లి అభివృద్ధి, సంక్షేమ కార్యక్రమాలపై వివరణ
ఓర్వకల్లు మేజర్ న్యూస్:
నన్నూరు గ్రామంలో స్థానిక పంచాయతీ ఎన్నికల ప్రచారం ఊపందుకుంది. ఈ నేపథ్యంలో కూటమి ప్రభుత్వం బలపరిచిన సర్పంచ్ అభ్యర్థి రూపవాణి ఆదివారం మొదటి వార్డులో గడపగడపకు వెళ్లి విస్తృతంగా ప్రచారం నిర్వహించారు. ప్రతి ఇంటికి వెళ్లి ప్రజలను ఆప్యాయంగా పలకరిస్తూ, గ్రామ అభివృద్ధికి చేపట్టనున్న కార్యక్రమాలను వివరించారు.
ఈ సందర్భంగా గ్రామంలో మౌలిక సదుపాయాల కల్పన, తాగునీటి సమస్య పరిష్కారం, రహదారుల అభివృద్ధి, పారిశుద్ధ్య నిర్వహణతో పాటు ప్రజలకు అందించనున్న సంక్షేమ కార్యక్రమాల గురించి వివరించారు. గ్రామంలో నెలకొన్న సమస్యలను అడిగి తెలుసుకుంటూ, ప్రజల అభిప్రాయాలను స్వీకరించారు. గ్రామ అభివృద్ధికి అందరి సహకారం అవసరమని పేర్కొంటూ తనకు మద్దతు ఇవ్వాలని అభ్యర్థించారు.
ఈ ప్రచార కార్యక్రమంలో మొదటి వార్డు సభ్యుడు హమీద్తో పాటు షరీఫ్, హరినాథ్, శ్రీపతి, బుజ్జప్ప తదితరులు పాల్గొన్నారు.