*పోలియో చుక్కల కార్యక్రమాన్ని ప్రారంభించిన డీసీసీ అధ్యక్షులు పట్లోళ్ల చంద్రశేఖర్ రెడ్డి*
నారాయణఖేడ్;నారాయణఖేడ్ పట్టణంలోని నెహ్రూనగర్ కాలనీలో ఆదివారం లయన్స్ క్లబ్ నారాయణఖేడ్ వారి సహకారంతో నిర్వహించిన పల్స్ పోలియో కార్యక్రమాన్ని సంగారెడ్డి జిల్లా కాంగ్రెస్ పార్టీ అధ్యక్షులు పట్లోళ్ల చంద్రశేఖర్ రెడ్డి ప్రారంభించి చిన్నారులకు పోలియో చుక్కలు వేశారు. ఈ సందర్భంగా పట్లోళ్ల చంద్రశేఖర్ రెడ్డి మాట్లాడుతూ.. పోలియో వ్యాధి చిన్నారుల జీవితాలపై తీవ్ర ప్రభావం చూపే ప్రమాదకరమైన వ్యాధి అని, ఈ వ్యాధి బారిన పడకుండా చిన్నారులకు ముందస్తు రక్షణ కల్పించడంలో పోలియో చుక్కలు ఎంతో కీలకమని తెలిపారు. ఐదేళ్లలోపు పిల్లలందరికీ తప్పనిసరిగా పోలియో చుక్కలు వేయించాలని తల్లిదండ్రులకు సూచించారు. ప్రభుత్వం ప్రజారోగ్య పరిరక్షణకు పెద్దపీట వేస్తూ నిర్వహిస్తున్న పల్స్ పోలియో కార్యక్రమాన్ని ప్రతి ఒక్కరూ సద్వినియోగం చేసుకోవాలని, ఏ ఒక్క చిన్నారి కూడా పోలియో చుక్కలు వేయించుకోకుండా మిగిలిపోకూడదని అన్నారు. పోలియో రహిత సమాజ నిర్మాణం మనందరి బాధ్యత అని పేర్కొన్నారు. ఈ కార్యక్రమంలో కౌన్సిలర్ లు రుక్మిణి గోపాల్ రెడ్డి సుబుర్ మాజీ ఎంపిటిసి పండరి రెడ్డి స్థానిక ప్రజాప్రతినిధులు, లయన్స్ క్లబ్ సభ్యులు చంద్ర శేఖర్, కాంగ్రెస్ పార్టీ నాయకులు, కార్యకర్తలు, వైద్య ఆరోగ్య శాఖ సిబ్బంది, ఆశా కార్యకర్తలు, అంగన్వాడీ సిబ్బంది తదితరులు పాల్గొన్నారు.