నేడు మేయర్ గా రూప్ కుమార్ యాదవ్, కార్పొరేటర్లు ప్రమాణ స్వీకారం డిప్యూటీ మేయర్ ఎన్నిక
నెల్లూరు, కార్పొరేషన్, మేజర్ న్యూస్ : నెల్లూరు నగరపాలక సంస్థ నూతన పాలక మండలి మేయర్ రూప్ కుమార్ యాదవ్, మిగతా కార్పొరేటర్ల ప్రమాణ స్వీకార కార్యక్రమం సోమవారం ఉదయం 11.00 గంటలకు నగరపాలక సంస్థ కార్యాలయంలోని డాక్టర్. ఏ.పి.జె. అబ్దుల్ కలాం సమావేశ మందిరంలో నిర్వహించనున్నట్లు నగరపాలక సంస్థ కమిషనర్ వై.ఓ. నందన్ ఆదివారం ఒక ప్రకటనలో తెలిపారు.
పై కార్యక్రమము ప్రిసైడింగ్ అధికారి, జిల్లా కలెక్టర్ హిమాన్షు శుక్లా అధ్యక్షతన నూతన మేయర్, కార్పొరేటర్లతో ప్రమాణ స్వీకారం చేయించనున్నారు.
అనంతరం డిప్యూటీ మేయర్ ఎంపిక ప్రక్రియ నిర్వహించనున్నట్లు కమిషనర్ వెల్లడించారు. సంబంధించి అధికారులు ఇప్పటికే ఏర్పాట్లు పూర్తి చేశారు.