మర్కుక్ మండలంలోని ఫామ్ హౌస్లపై పోలీసుల ముమ్మర తనిఖీలు
మర్కుక్;మండల పరిధిలోని వివిధ గ్రామాల్లో ఉన్న ఫామ్ హౌస్లలో ఎలాంటి అసాంఘిక కార్యకలాపాలకు తావు లేకుండా ఉండేందుకు మర్కుక్ పోలీసులు ఆదివారం ఆకస్మిక తనిఖీలు నిర్వహించారు. ఎస్సై ఎస్కే యూనస్ అహ్మద్ అలీ ఆధ్వర్యంలో పోలీస్ సిబ్బంది పలు ఫామ్ హౌస్లను క్షుణ్ణంగా పరిశీలించారు. ఈ సందర్భంగా ఫామ్ హౌస్ యజమానుల వివరాలతో పాటు, అక్కడ పనిచేస్తున్న వాచ్మెన్ల గుర్తింపు కార్డులు, చిరునామా, ఇతర వ్యక్తిగత సమాచారాన్ని సేకరించి రికార్డు చేశారు. ముందస్తు భద్రతా చర్యల్లో భాగంగా ఈ తనిఖీలు చేపట్టినట్లు ఎస్సై యూనస్ తెలిపారు. యజమానులు తమ వద్ద పనిచేసే సిబ్బంది పూర్తి వివరాలను తప్పనిసరిగా పోలీస్ స్టేషన్లో అందజేయాలని, నిబంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు.