ఎమ్మెల్యే ఉగ్ర నాయకత్వమే అభివృద్ధికి దిక్సూచి
- కత్తెర గుర్తుపై ఓటేసి గెలిపించాలని దార పనేని ఎన్నికల ప్రచారం
పామూరు, మేజర్ న్యూస్ : మండలం
తూర్పు కోడిగుడ్లపాడు పంచాయతీని అభివృద్ధి పథంలో నడిపించేందుకు ఎమ్మెల్యే డాక్టర్ ముక్కు ఉగ్ర నరసింహారెడ్డి నాయకత్వం సహకారాన్ని సద్వినియోగం చేసుకోవాలని కనిగిరి ఏఎంసీ మాజీ చైర్మన్ దారపనేని చంద్రశేఖర్ పిలుపునిచ్చారు. ఎమ్మెల్యే ఉగ్ర ఆశీస్సులతో ఎన్డీఏ కూటమి తరఫున సర్పంచ్ బరిలో నిలిచిన మానం రాజేశ్వరికి ప్రజలు అండగా నిలిచి విజయాన్ని అందించాలని కోరారు. ఆదివారం ఎన్నికల ప్రచారంలో భాగంగా పంచాయతీ పరిధిలోని జంగాలపల్లి గ్రామంలో ఇంటింటికీ వెళ్లి ఓటర్లను కలుసుకున్నారు. ఈ సందర్భంగా దారపనేని చంద్రశేఖర్ మాట్లాడుతూ ఎమ్మెల్యే ఉగ్ర నరసింహారెడ్డి నియోజకవర్గ అభివృద్ధికి ప్రాధాన్యతనిస్తూ ప్రజలకు అందుబాటులో ఉంటూ పనిచేస్తున్నారని పేర్కొన్నారు. అదే అభివృద్ధి దృక్పథంతో తూర్పు కోడిగుడ్లపాడు పంచాయతీలోనూ ప్రజలకు అవసరమైన అభివృద్ధి కార్యక్రమాలు చేపట్టేందుకు రాజేశ్వరికి అవకాశం కల్పించాలని కోరారు. ఈ నెల 26న జరిగే ఎన్నికల్లో కత్తెర గుర్తుపై ఓటు వేసి రాజేశ్వరిని అఖండ మెజార్టీతో గెలిపించాలని చంద్రశేఖర్ ఓటర్లకు విజ్ఞప్తి చేశారు. ఎన్నికల ప్రచార కార్యక్రమంలో సర్పంచ్ అభ్యర్థి మానం రాజేశ్వరి,మానం మల్లికార్జున, వార్డు మెంబర్లు చెనికల భాగ్యమ్మ, అద్దంకి మాల్యాద్రి,చుండూరు పోలయ్య,దారనేని అన్నపూర్ణ,తాతాపూడి ఏసుబు,తాళ్ళురి జయరావు,మన్నం రమణమ్మ,ఈర్ల ఉమ,మానం నాగేంద్ర యాదవ్,చెనికల మల్లికార్జున, చెనికల మాలకొండయ్య,నాగరాజు,దేవరకొండ చెన్నకేశవులు తదితరులు పాల్గొన్నారు.