ఆర్డిటి స్పోర్ట్స్ మీట్ లో ఎస్ ఆర్ విద్యార్థికి ప్రథమ బహుమతి
అనంతపురం బ్యూరో మేజర్ న్యూస్ :అనంతపురం జిల్లా ఆర్టిటి స్పోర్ట్స్ మీట్ లో ఎస్ ఆర్ ప్రైమ్ స్కూల్ విద్యార్థి పి. భరత్ అద్భుత ప్రతిభ కనబరిచి ప్రథమ బహుమతి సాధించాడు. అండర్ - 10 కేటగిరీలో జరిగిన లాంగ్ జంప్ మరియు 100 మీటర్ల పరుగు పోటీలలో భరత్ ప్రథమ స్థానంలో నిలిచాడు. భరత్ ప్రస్తుతం 4వ తరగతి చదువుతున్నాడు.
ఈ సందర్భంగా జోనల్ ఇన్చార్జి ఎం. శివకుమార్ ,విద్యాసంస్థల చైర్మన్ ఎ.వరదా రెడ్డి డైరెక్టర్లు ఎ .సంతోష్ రెడ్డి , ఎ. మధుకర్ రెడ్డి , పాఠశాల ప్రిన్సిపాల్ వై. లక్ష్మీదేవి , డీజీఎం ఎం. రమణ , ఏజీఎం ఎస్. రవిచంద్ర విద్యార్థి భరత్ ను ఘనంగా అభినందించారు.
ఇంతటి విజయాన్ని సాధించిన భరత్ కు వారు హృదయపూర్వక శుభాకాంక్షలు తెలిపారు. చిన్న వయసులోనే జిల్లా స్థాయిలో ప్రథమ బహుమతి సాధించడం ఎంతో గర్వకారణమని, భవిష్యత్తులో రాష్ట్ర, జాతీయ స్థాయిలో కూడా విజయాలు సాధించాలని ఆకాంక్షించారు.
భరత్ కు శిక్షణ ఇచ్చిన కోచ్ లకు, ప్రోత్సహించిన తల్లిదండ్రులకు, ఉపాధ్యాయులకు యాజమాన్యం ప్రత్యేక ధన్యవాదాలు తెలిపింది.
రిపోర్టర్ : మొయినుద్దీన్ అనంతపురం బ్యూరో మేజర్ న్యూస్