జవహర్ నవోదయలో ఘనంగా కళా-ఉత్సవ్

జవహర్ నవోదయలో ఘనంగా కళా-ఉత్సవ్

ఎమ్మిగనూరు: సూర్య ప్రతినిధి

స్థానిక జవహర్ నవోదయ విద్యాలయంలో క్లస్టర్ స్థాయి ‘ఆర్ట్ ఇన్ ఎడ్యుకేషన్’ (కళా-ఉత్సవ్) పోటీలు సోమవారం ఘనంగా ప్రారంభమయ్యాయి. ఆంధ్రప్రదేశ్, తెలంగాణ రాష్ట్రాలకు చెందిన 21 నవోదయ విద్యాలయాల విద్యార్థులు పాల్గొన్నారు. వోకల్, ఇన్‌స్ట్రుమెంటల్, 2D, 3D ఆర్ట్, స్టోరీ టెల్లింగ్, ఇండిజినస్ టాయ్స్ తదితర విభాగాల్లో రెండు రోజుల పాటు పోటీలు నిర్వహిస్తున్నారు.
కార్యక్రమానికి ఎస్ బి ఐ చీఫ్ మేనేజర్ రవికలాధర్, ఎం ఈ ఓ ఆంజనేయులు, పూర్వ విద్యార్థి సాగర్ ముఖ్య అతిథులుగా హాజరయ్యారు. ప్రిన్సిపాల్ ఇ. పద్మావతి మాట్లాడుతూ విద్యార్థుల్లో సృజనాత్మకత, మానసిక ఆనందం పెంపొందించేందుకు కళలు ఎంతో అవసరమన్నారు. పోటీల్లో విజేతలు కేరళలోని జే ఎన్ వి కొట్టాయంలో జరిగే రీజినల్ స్థాయి పోటీలకు ఎంపికవుతారని తెలిపారు.