andhrapradesh
కడప అమీన్‌పీర్ దర్గా ఉర్సుకు సీఎం చంద్రబాబుకు ఆహ్వానం
సూర్య స్టేట్ బ్యూరో, అమరావతి :
కడప అమీన్‌పీర్ దర్గా ఉర్సు ఉత్సవాలకు ముఖ్యమంత్రి నారా చంద్రబాబు నాయుడును దర్గా పెద్దలు ఆహ్వానించారు. అమీన్‌పీర్ దర్గా పీఠాధిపతి కేఎస్ఎస్ అరీఫుల్లా హుస్సేనీ సీఎం క్యాంపు కార్యాలయంలో ముఖ్యమంత్రి చంద్రబాబును కలిసి ఉర్సు ఉత్సవాల ఆహ్వానపత్రికను అందజేశారు. ఈ నెల 24 నుంచి 29వ తేదీ వరకు నిర్వహించనున్న ఉర్సు ఉత్సవాలకు హాజరు కావాలని సీఎంను కోరారు. ఈ సందర్భంగా ఉర్సు ఉత్సవాలకు సంబంధించిన ఏర్పాట్లపై ముఖ్యమంత్రి చంద్రబాబు వివరాలు అడిగి తెలుసుకున్నారు. ఉత్సవాలను ఘనంగా నిర్వహించేందుకు చేపడుతున్న ఏర్పాట్లపై ఆరా తీశారు. ముఖ్యమంత్రిని కలిసిన వారిలో దర్గా మేనేజర్ ఎమ్‌డీ అలీఖాన్, సయ్యద్ గౌస్, అమీర్ బాషా తదితరులు ఉన్నారు.
