చిగురుకోట జడ్పీ హైస్కూల్ ను పరిశీలించిన ఎస్ఎంసి చైర్మన్ దండే లక్ష్మి

ముదినేపల్లి , మేజర్ న్యూస్ : మండలంలోని చిగురుకోట జిల్లా పరిషత్ ఉన్నత పాఠశాలను ఎస్ఎంసి చైర్మన్ దండే లక్ష్మి సందర్శించి పరిశీలించారు. విద్యార్థుల హాజరు శాతాన్ని తెలుసుకున్నారు. హైస్కూల్లో డొక్కా సీతమ్మ మధ్యాహ్న భోజన పథకం నిర్వహణను పరిశీలించి విద్యార్థులకు భోజనాలు అందుతున్న తీరును అడిగి తెలుసుకున్నారు. మధ్యాహ్నం భోజనం మెనూ తప్పనిసరిగా అమలు చేసి విద్యార్థులకు నాణ్యమైన భోజనం అందజేయాలని ఏమైనా సమస్యలుంటే తెలియజేయాలని కోరారు. పదవ తరగతి పరీక్షలలో నూరు శాతం ఫలితాలు సాధించేలా ఉపాధ్యాయులు కృషి చేయాలని అందుకు ఎస్ఎంసి తరఫున తమ వంతు సహకారం ఉంటుందని చైర్మన్ దండే లక్ష్మి తెలిపారు. హెచ్ఎం సుబ్బారావు , అధ్యాపకులు పాల్గొన్నారు.

 రిపోర్టర్ నాగరాజు ముదినేపల్లి ఏలూరు జిల్లా