కుమారుడి జ్ఞాపకార్థం బధిరుల పాఠశాలలో సేవా కార్యక్రమం

సూర్య, వీణవంక:ప్రగతినగర్‌లోని శ్రీ వేంకటేశ్వర బధిరుల పాఠశాలలో పూర్వ విద్యార్థి నలుబాల సంజయ్ కుమార్ జ్ఞాపకార్థం ఆయన కుటుంబ సభ్యులు సేవా కార్యక్రమాలు నిర్వహించారు. నలుబాల శ్రీనివాస్, వనిత దంపతుల కుమారుడైన సంజయ్ కుమార్.. ఇదే పాఠశాలలో ఒకటో తరగతి నుంచి పదో తరగతి వరకు చదువుకున్నాడు. ఇటీవల అనారోగ్యంతో సెప్టెంబర్ 10న ఆయన మృతి చెందాడు. ​అక్టోబర్ 5న సంజయ్ కుమార్ పుట్టినరోజు సందర్భంగా ఆయన తల్లిదండ్రులు, కుటుంబ సభ్యులు పాఠశాలకు విచ్చేసి విద్యార్థులకు ప్లేట్లు, పెన్నులు పంపిణీ చేశారు. తమ కుమారుడు చదువుకున్న పాఠశాలలో ఈ కార్యక్రమం చేపట్టడం ద్వారా అతని జ్ఞాపకాలను పదిలంగా ఉంచుకోవాలనే ఉద్దేశంతోనే ఈ సేవా కార్యక్రమం నిర్వహించినట్లు దంపతులు తెలిపారు. ​ఈ కార్యక్రమంలో పాఠశాల ప్రిన్సిపాల్ లక్ష్మీ నర్సమ్మ, పద్మనాభం, పాఠశాల సిబ్బంది కళ, వెంకట్ లక్ష్మి, రమణయ్య, శోభారాణి, చారి, పలువురు పూర్వ విద్యార్థులతో పాటు సంజయ్ కుమార్ కుటుంబ సభ్యులు తదితరులు పాల్గొన్నారు.