నెల్లూరు నగర కార్పొరేషన్ ఎన్నికల నగారా మోగడంతో వైఎస్సార్సీపీలో టికెట్ల కోసం పోటీ నెలకొంది.

నెల్లూరు సిటీ,మేజర్ న్యూస్ :     నగరంలోని ప్రతి డివిజన్ నుంచి ప్రముఖ నాయకులు పోటీ చేయడానికి ఆసక్తి.  ఈ నేపథ్యంలో నెల్లూరు నగర ఇన్‌చార్జ్, ఎమ్మెల్సీ పర్వత రెడ్డి చంద్రశేఖర్ రెడ్డ్డి గారి సూచనతో , 47, 49 డివిజన్లకు చెందిన అందుబాటులో ఉండే ముఖ్య నాయకులు, కార్యకర్తలతో  సమావేశం నిర్వహించారు.  ఈ సమావేశంలో వైఎస్సార్సీపీ రాష్ట్ర సంయుక్త కార్యదర్శి కొణిదల సుధీర్ గారు, జిల్లా ఉపాధ్యక్షులు మజ్జిగ జయకృష్ణారెడ్డి గారు పాల్గొని, టికెట్లు ఆశిస్తున్న నేతల అభిప్రాయాలను సేకరించారు. వ్యక్తిగత పనులతో హాజరు కాని నాయకుల అభిప్రాయాలను కూడా ఫోన్ ద్వారా అడిగి తెలుసుకున్నారు .  పోటీ చేయాలనుకుంటున్న నాయకుల వివరాలను క్రొడీకరించి పార్టీ తో చర్చించి అందరకీ ఆమోదయోగ్యమైన నిర్ణయం తీసుకుంటామని, అందులో భాగంగా పోటీ చేసే అభ్యర్థులకు అందరూ కలిసి పనిచేయాలని నిర్ణయించారు