ఎదురెదురుగా రెండు లారీలు ఢీ

తప్పిన ప్రాణ నష్టం

పెనుబల్లి సూర్య మేజర్ న్యూస్....

మండాలపాడు గ్రామ శివారులో  లంక సాగర్ క్రాస్ రోడ్ వద్ద రెండు లారీలు ఢీ కొట్టుకొని బీభత్సం సృష్టించడంతో స్థానిక ప్రజలు భయభ్రాంతులు చెందారు. పెనుబల్లి మండలం మండాలపాడు గ్రామ శివారులోని లంకా సాగర్ క్రాస్ రోడ్ వద్ద సత్తుపల్లి వైపు నుండి విఎం బంజర వైపుకు వస్తున్న దొడ్ల డైరీ పాల డీసీఎం కంటైనర్, సత్తుపల్లి వైపు వెళుతున్న బొగ్గు టిప్పర్ లారీ ఎదురెదురుగా ఢీ కొట్టుకున్నాయి. ఈ ఘటనలతో పాల వ్యాను క్లీనర్ కి గాయాలు అయ్యాయి. పాల వాహనము డ్రైవరు బొగ్గు టిప్పర్ డ్రైవర్ స్వల్ప గాయాలతో బయటపడ్డారు. ఈ ప్రమాదంలో రెండు లారీల క్యాబిన్ లు ధ్వంసం అయ్యాయి. రహదారిపై ఉన్న గొయ్యను తప్పించే క్రమంలో  బొగ్గు టిప్పర్ అదుపుతప్పి ఎదురుగా వస్తున్న పాలవాహానాన్ని ఢీకొట్టడంతో ఈ ప్రమాదం చోటుచేసుకుందని స్థానికులు వివరించారు. ఈ ప్రమాదంలో గాయాలతో బయటపడి ప్రాణనాపాయం తప్పడంతో అందరూ ఊపిరి పీల్చుకున్నారు. గాయపడ్డ పాలవాహన క్లీనర్ సత్తెనపల్లి కి చెందిన వేట కోటిరెడ్డిగా గుర్తించారు. అటనా స్థలానికి చేరుకున్న విఎం బంజర్ పోలీసులు ఘటన స్థలానికి చేరుకొని క్షతగాత్రుడుని పెనుబల్లి ప్రభుత్వ ఆసుపత్రికి తరలించారు.