పద్మనాభం మండలంలో రూ.15 కోట్ల అభివృద్ధి పనులకు భూమిపూజ

పద్మనాభం: కూటమి ప్రభుత్వంలో పద్మనాభం మండలం అభివృద్ధి పరుగులు పెడుతోంది. మండలంలోని వివిధ గ్రామాల్లో రూ.15 కోట్ల వ్యయంతో చేపట్టనున్న సీసీ రోడ్లు, బీటీ రోడ్ల నిర్మాణ పనులకు మంగళవారం ఘనంగా శంకుస్థాపనలు చేశారు.పద్మనాభం మండల టీడీపీ అధ్యక్షులు కోరాడ రమణ చేతుల మీదుగా ఈ పనులకు భూమిపూజ నిర్వహించారు. ఈ సందర్భంగా ఆయన మాట్లాడుతూ, గత ప్రభుత్వంలో నిర్లక్ష్యానికి గురైన గ్రామీణ రోడ్లను కూటమి ప్రభుత్వం ప్రతిష్టాత్మకంగా తీసుకుని పూర్తి చేస్తోందని అన్నారు. ఎమ్మెల్యే గంటా శ్రీనివాసరావు సహకారంతో మండలంలోని ప్రతి గ్రామానికి నిధులు తీసుకొస్తున్నామని తెలిపారు.
ఈ కార్యక్రమంలో మాజీ జెడ్పీటీసీ కసిరెడ్డి దామోదరరావు, క్లస్టర్ ఇంచార్జ్ కె. రామరాజు, టీడీపీ సీనియర్ నాయకులు, కార్యకర్తలు, ఆయా గ్రామాల సర్పంచ్ లు, స్థానిక ప్రజలు పెద్ద సంఖ్యలో పాల్గొన్నారు.