నూతన గ్రామపంచాయతీ భవనాలు ప్రారంభం

దౌల్తాబాద్,మేజర్ న్యూస్ (అక్టోబర్ 05): మండలంలోని కౌడిడ్, కుప్పగిరి గ్రామాల్లో రూ.30 లక్షల చొప్పున నిర్మించిన నూతన గ్రామపంచాయతీ భవనాలను కొడంగల్ నియోజకవర్గ కాంగ్రెస్ పార్టీ ఇన్‌చార్జి తిరుపతి రెడ్డి, కాడ ఆఫీసర్ వెంకట్ రెడ్డి ప్రారంభించారు. ఈ సందర్భంగా వారు మాట్లాడుతూ...గ్రామాల అభివృద్ధి, ప్రజలకు మెరుగైన పాలన అందించడమే ప్రభుత్వ ప్రధాన లక్ష్యమని తెలిపారు. ప్రతి గ్రామంలో మౌలిక వసతుల కల్పనకు ప్రాధాన్యం ఇస్తున్నామని, అభివృద్ధితో పాటు సంక్షేమ పథకాలను ప్రజలకు చేరువ చేస్తున్నామని పేర్కొన్నారు.ఈ కార్యక్రమంలో ఎంపీడీవో ఉషానప్ప, కాంగ్రెస్ మండల అధ్యక్షుడు వెంకట్రావు, జిల్లా నాయకులు, సర్పంచులు, ఉపసర్పంచులు, పంచాయతీ కార్యదర్శులు, కాంగ్రెస్ నాయకులు, కార్యకర్తలు తదితరులు పాల్గొన్నారు.

రిపోర్టర్ శ్యామ్ సుందర్.