మామునూరు ఎయిర్ పోర్టుకు ప్రొఫెసర్ జయశంకర్ సార్ పేరు పెట్టాలి

మామునూరు ఎయిర్‌పోర్ట్‌కు
ప్రొఫెసర్ జయశంకర్ పేరుపెట్టాలి

-వెంకటాపూర్ మండల సోషల్ మీడియా కన్వీనర్-

-మునిగంటి నరేంద్ర చారి...

వెంకటాపూర్(రామప్ప) అక్టోబర్ 6 మేజర్ న్యూస్ సూర్య: వెంకటాపూర్ మండల సోషల్ మీడియా కన్వీనర్ – భారత రాష్ట్ర సమితి(బిఆర్ ఎస్)తెలంగాణ రాష్ట్ర సాధనకు జీవితాంతం కృషి చేసిన మహనీయుడికి ఇదే నిజమైన గౌరవం
వెంకటాపూర్,ములుగు జిల్లా:మలిదశ తెలంగాణ ఉద్యమంలో ఎన్నో పోరాటాలు, ఉద్యమాలు,త్యాగాల ఫలితంగా తెలంగాణ రాష్ట్రం ఏర్పడిందని, ప్రత్యేక తెలంగాణ రాష్ట్ర సాధన కోసం అనేక మంది విద్యార్థులు, యువకులు, మేధావులు, ఉద్యమకారులు తమ జీవితాలను అంకితం చేశారని మునిగంటి నరేంద్ర చారి, వెంకటాపూర్ మండల సోషల్ మీడియా కన్వీనర్ – భారత రాష్ట్ర సమితి అన్నారు.
తెలంగాణ  ప్రత్యేక రాష్ట్ర సాధన కోసం జీవితాంతం ఉద్యమిస్తూ,  తెలంగాణ ప్రజల ఆకాంక్షను బలంగా ముందుకు తీసుకెళ్లిన తెలంగాణ సిద్ధాంతకర్త ప్రొఫెసర్ కొత్తపల్లి జయశంకర్ సేవలు చిరస్మరణీయమని ఆయన పేర్కొన్నారు.
తెలంగాణ రాష్ట్ర ఆవశ్యకతను ప్రజలకు వివరించి, ప్రత్యేక తెలంగాణ సాధన కోసం అనేక దశాబ్దాల పాటు ప్రజల్లో చైతన్యం కల్పించిన మహనీయుడు ప్రొఫెసర్ జయశంకర్ రని అన్నారు.జయశంకర్ కి శాశ్వత గుర్తింపు కల్పించాలివరంగల్ జిల్లాలో ఏర్పడుతున్న మామునూరు ఎయిర్‌పోర్ట్‌కు “ప్రొఫెసర్ కొత్తపల్లి జయశంకర్ ఎయిర్‌పోర్ట్” అని పేరు పెట్టాలని మునిగంటి నరేంద్రచారి ప్రభుత్వాన్ని డిమాండ్ చేశారు.

తెలంగాణ రాష్ట్ర సాధన కోసం జీవితాంతం కృషి చేసిన జయశంకర్ గారి పేరును ఒక ప్రతిష్టాత్మకమైన విమానాశ్రయానికి పెట్టడం ద్వారా ఆయన సేవలకు సముచిత గౌరవం దక్కుతుందని అన్నారు.

«“తెలంగాణ రాష్ట్ర సాధన కోసం జీవితాన్ని అంకితం చేసిన సిద్ధాంతకర్త ప్రొఫెసర్ జయశంకర్ గారి పేరును మామునూరు ఎయిర్‌పోర్ట్‌కు పెట్టడం ద్వారా ఆయన సేవలను భవిష్యత్ తరాలు కూడా స్మరించుకునే అవకాశం ఉంటుంది. ఇది తెలంగాణ సిద్ధాంతకర్తకు అందించే నిజమైన గౌరవం.”»

???? జయశంకర్ గారి పేరే పెట్టాలని డిమాండ్

తెలంగాణ ప్రత్యేక రాష్ట్ర సాధన కోసం తన జీవితాన్ని అంకితం చేసిన ప్రొఫెసర్ కొత్తపల్లి జయశంకర్ గారు తెలంగాణ ఉద్యమానికి ఒక బలమైన సిద్ధాంత పునాదిని అందించారని మునిగంటి నరేంద్ర చారి అన్నారు.తెలంగాణ సమాజం, విద్యార్థులు, యువత, ఉద్యమకారుల్లో ప్రత్యేక రాష్ట్ర సాధనపై చైతన్యం కల్పించడంలో జయశంకర్ గారి పాత్ర ఎంతో కీలకమని పేర్కొన్నారు.ముఖ్యమంత్రి శ్రీ ఎ. రేవంత్ రెడ్డి గారు ఈ అంశాన్ని ప్రత్యేకంగా పరిశీలించి, మామునూరు ఎయిర్‌పోర్ట్‌కు ప్రొఫెసర్ కొత్తపల్లి జయశంకర్ గారి పేరు పెట్టేలా చర్యలు తీసుకోవాలని మునిగంటి నరేంద్ర చారి విజ్ఞప్తి చేశారు.

???? “ప్రొఫెసర్ జయశంకర్  పేరు – మామునూరు ఎయిర్‌పోర్ట్ పేరు”

తెలంగాణ రాష్ట్ర సాధన కోసం జీవితాంతం కృషి చేసిన సిద్ధాంతకర్తకు ఇంతకంటే గొప్ప గౌరవం మరొకటి ఉండదని, మామునూరు ఎయిర్‌పోర్ట్‌కు ప్రొఫెసర్ కొత్తపల్లి జయశంకర్ గారి పేరు పెట్టాలనే డిమాండ్‌ను ప్రజల ముందుకు బలంగా తీసుకెళ్తామని మునిగంటి నరేంద్ర చారి స్పష్టం చేశారు.