శ్రీ పద్మాక్షి దేవాలయ శరన్నవరాత్రి ఆహ్వాన పత్రిక ఆవిష్కరణ
శ్రీ పద్మాక్షి దేవాలయ శరన్నవరాత్రి ఆహ్వాన పత్రిక ఆవిష్కరణ
వరంగల్, అక్టోబర్ 6, మేజర్ న్యూస్ సూర్య,
ఓరుగల్లులోని ప్రాచీనమైన దేవాలయాల్లో ఒకటైన, కాకతీయుల ఆరాధ్య దైవం శ్రీ హనుమద్గిరి పద్మాక్షి దేవాలయ శరన్నవరాత్రి ఉత్సవాల ఆహ్వాన పత్రికను జిల్లా కలెక్టర్ డాక్టర్ సత్య శారద మంగళవారం ఆవిష్కరించారు. కలెక్టర్ క్యాంపు కార్యాలయంలో జరిగిన కార్యక్రమంలో ఆమె చేతుల మీదుగా ఆహ్వాన పత్రికను ఆవిష్కరించారు.
ఈ సందర్భంగా దేవాలయ వంశపారంపర్య అర్చకులు నాగిళ్ల శంకర్ శర్మ శరన్నవరాత్రి ఉత్సవాల విశిష్టత, ఆలయ ప్రాశస్త్యం, ఉత్సవాల్లో నిర్వహించే ప్రత్యేక పూజా కార్యక్రమాల గురించి కలెక్టర్‌కు వివరించారు.
శరన్నవరాత్రి ఉత్సవాల సందర్భంగా భక్తులకు ఎలాంటి ఇబ్బందులు కలగకుండా అవసరమైన ఏర్పాట్లు చేయాలని, దేవాలయ దర్శనానికి వచ్చే భక్తులకు తగిన సౌకర్యాలు కల్పించేలా సంబంధిత జిల్లా అధికారులకు కలెక్టర్ ఆదేశాలు జారీ చేశారు.
