జాతీయ అవార్డు గ్రహీత చంద్రకళకు పోలీస్ శాఖ సత్కారం

జాతీయ అవార్డు గ్రహీత చంద్రకళకు పోలీస్ శాఖ సత్కారం - జాతీయ పురస్కారం వెనుక రైతు త్యాగానికి గుర్తింపు.
వెంకటాపురం నూగూరు,అక్టోబర్ 06,మేజర్ న్యూస్ సూర్య:తన కెమెరా కంటితో 30 ఏళ్లుగా ఏజెన్సీ ఆదివాసీల జీవన విధానం,అటవీ సంస్కృతిని ప్రపంచానికి పరిచయం చేస్తూ,తాజాగా జాతీయ స్థాయిలో "భారతీయ వారసత్వం,  దేశభక్తి పురస్కారం" అందుకున్న ప్రముఖ ఛాయాచిత్రగ్రాహకులు చంద్రకళ సదాశివ ప్రసాద్ కృషికి పోలీస్ శాఖ నుండి అరుదైన గుర్తింపు లభించింది.వెంకటాపురం ఎస్‌ఐ తిరుపతి ఆయనను పోలీస్ స్టేషన్ కు ఆత్మీయంగా ఆహ్వానించి శాలువాతో ఘనంగా సత్కరించారు.అనంతరం ఆ జాతీయ అవార్డు పొందిన చాయా చిత్రంలో దేశభక్తిని చాటుతూ మోడల్ గా నిలిచిన  రైతు కొప్పుల కృష్ణ ను  కూడా ఎస్సై శాలువాతో సత్కరించి అభినందించారు.ఈ కార్యక్రమంలో కొప్పుల మహేష్ ,వంకాయల రాము,వేల్పుల  కిషోర్ తదితరులు పాల్గొన్నారు.