గిరిజన చట్టాలకు తూట్లు

గిరిజన చట్టాలకు తూట్లు
- అక్రమ కట్టడాలపై చర్యలు తీసుకోవాలి

మంగపేట, అక్టోబర్ 06, సూర్య(మేజర్ న్యూస్): ములుగు జిల్లా మంగపేట మండలంలో గిరిజన చట్టాలకు విరుద్ధంగా జరుగుతున్న అక్రమ నిర్మాణాలను నిలిపివేయాలని ఆదివాసి ప్రజాసంఘాల జాయింట్ యాక్షన్ కమిటీ డిమాండ్ చేసింది. మండలంలోని 23 రెవెన్యూ గ్రామాల్లో 1/59, 1/70, పెసా చట్టాలకు విరుద్ధంగా గిరిజనేతరులు ఎలాంటి అనుమతులు లేకుండా ఇళ్లు, కట్టడాలు నిర్మిస్తున్నారని ఆదివాసి ప్రజాసంఘాల జాయింట్ యాక్షన్ కమిటీ మండల అధ్యక్షుడు పొలేబోయిన ఆదినారాయణ ఆరోపించారు. అక్రమ కట్టడాలను తొలగించాలని కోరుతూ ఎంపీడీవో బద్రు నాయక్ కు వినతిపత్రం అందజేశారు. అనుమతులు, భూ రికార్డులు పరిశీలించి, ప్రభుత్వ భూమి ఆక్రమణలపై చర్యలు తీసుకోవాలని కోరారు. ఈ కార్యక్రమంలో ప్రధాన కార్యదర్శి తాటి నాగరాజు, మరియు తోలేం సుధాకర్, గొప్ప చంద్రకాంత్, కుర్సం నరసింహారావు తదితరులు పాల్గొన్నారు.