గంటాకు పాలాభిషేకం చేసిన నగేష్ కుమార్

• తునిపొలం రోడ్డుకు రూ.80 లక్షలు, కాళ్ల కన్నయ్య కళ్లాలకు రూ.35 లక్షలు నిధులు విడుదల
• భారీగా హాజరైన టిడిపి శ్రేణులు

పద్మనాభం: పద్మనాభం మండల అభివృద్ధికి భీమిలి ఎమ్మెల్యే గంటా శ్రీనివాసరావు భారీ నిధులు మంజూరు చేశారు.తునిపొలం రోడ్డు పునర్నిర్మాణం కోసం రూ.80 లక్షలు, అలాగే కాళ్ల కన్నయ్య గారి కళ్లాల నిర్మాణం కోసం రూ.35 లక్షలు మొత్తం రూ.1.15 కోట్ల నిధులు మంజూరు చేశారు.ఈ సందర్భంగా పద్మనాభం మండల టీడీపీ మాజీ అధ్యక్షులు కాళ్ల నగేష్ కుమార్ ఆధ్వర్యంలో స్థానిక నాయకులు, కార్యకర్తలు ఎమ్మెల్యే గంటా శ్రీనివాసరావు చిత్రపటానికి పాలాభిషేకం చేసి కృతజ్ఞతలు తెలిపారు.ఈ కార్యక్రమంలో టీడీపీ సీనియర్ నాయకులు, కార్యకర్తలు, గ్రామ ప్రజలు పెద్ద సంఖ్యలో పాల్గొన్నారు. ఎన్నో ఏళ్లుగా ఎదురుచూస్తున్న రోడ్డు సమస్యకు పరిష్కారం లభించిందని గ్రామస్తులు హర్షం వ్యక్తం చేశారు.