BREAKING
వర్ధంతి సందర్భంగా పేదలకు అన్నదానం.. మానవత్వాన్ని చాటుకున్న కుటుంబ సభ్యులు.... సైదాపురంలో రేపు ఎంపీపీ, ఉప ఎంపీపీ ఎన్నికలు గ్రామాభివృద్ధికి ఆశీర్వదించండి రామలకోటలో సర్పంచ్ అభ్యర్థి ఆచారి సావిత్రమ్మ ఇంటింటి ప్రచారం రైల్వే డబుల్ లైన్ ప్రాజెక్టుల పనులకు భూసేకరణ ప్రక్రియ వేగవంతం చేయాలి* నలుబోతు బ్రహ్మయ్యను పరామర్శించిన మాజీ మంత్రి నల్లపరెడ్డి.. అందరికీ శుద్ధమైన మంచినీరు అందించడమే నా లక్ష్యం. ఎమ్మెల్యే అమిలినేని సెన్సస్–2027 ఫీల్డ్ ట్రైనర్లకు శిక్షణ కార్యక్రమం ముగింపు విజయలక్ష్మి కనెక్ట్ విత్ జెన్ జీ పొలిటికల్ అకౌంటబిలిటీ-న్యూ ఏజ్ పాలిటిక్స్ విద్యార్థి దశ నుంచే చట్టంపై అవగాహన కలిగి ఉండాలి పిడుగురాళ్ల మండల విద్యాశాఖ అధికారి ఆకస్మిక తనిఖీలు ఇందిరమ్మ కుటుంబ జీవిత బీమాతో ఆర్థిక భరోసా -జిల్లా కలెక్టర్ హేమంత కేశవ్ పాటిల్ నామినేషన్లకు పటిష్ట బందోబస్తు ఢిల్లీలో జరిగే మార్చ్ కార్యక్రమాన్ని జయప్రదం చేయండి.. గ్రంథాలయం వద్ద హ్యాండ్ రైటింగ్ పోటీలు. *కార్తీక మాసం ప్రత్యేకం.. ప్రసిద్ధ శైవ క్షేత్రాలకు ఆర్టీసీ బస్సు సర్వీసులు* *మధిర డిపో మేనేజర్ తడికమళ్ళ దేవరాజ్*

ట్రంప్‌కు షీ జిన్‌పింగ్ ఘనస్వాగతం..

Select Suryaa Now
ట్రంప్‌కు షీ జిన్‌పింగ్ ఘనస్వాగతం..

షెన్‌జెన్ (చైనా): అమెరికా-చైనా దౌత్య సంబంధాల్లో కీలక పరిణామం చోటుచేసుకుంది. ఆసియా-పసిఫిక్ ఆర్థిక సహకార (APEC) సదస్సులో పాల్గొనేందుకు బుధవారం చైనాలోని షెన్‌జెన్ నగరానికి చేరుకున్న అమెరికా అధ్యక్షుడు డొనాల్డ్ ట్రంప్‌కు చైనా అధ్యక్షుడు షీ జిన్‌పింగ్ అనూహ్య రీతిలో ఘనస్వాగతం పలికారు. దౌత్య ప్రోటోకాల్‌ను పక్కనపెట్టి జిన్‌పింగ్ స్వయంగా షెన్‌జెన్ బవోన్ అంతర్జాతీయ విమానాశ్రయానికి (Tarmac) రావడమే కాకుండా, ట్రంప్‌ను ఆత్మీయంగా ఆలింగనం చేసుకున్నారు. ఈ పరిణామం అంతర్జాతీయ దౌత్య వర్గాలను ఆశ్చర్యపరిచింది.

2013 తర్వాత ఇదే తొలిసారి:

సాధారణంగా చైనా అధ్యక్షులు విదేశీ దేశాధినేతలను ఆహ్వానించేందుకు స్వయంగా విమానాశ్రయానికి రారు. చివరిసారిగా 2009లో ఉపాధ్యక్షుడిగా ఉన్నప్పుడు బరాక్ ఒబామాకు జిన్‌పింగ్ ఎయిర్‌పోర్టులో స్వాగతం పలికారు. 2013లో చైనా అధ్యక్షుడిగా బాధ్యతలు చేపట్టిన తర్వాత ఒక విదేశీ అధినేత కోసం జిన్‌పింగ్ నేరుగా విమానాశ్రయ రన్‌వేపైకి రావడం ఇదే ప్రథమం. అలాగే, గతంలో రష్యా అధ్యక్షుడు వ్లాదిమిర్ పుతిన్ తర్వాత మరో దేశాధినేతను జిన్‌పింగ్ ఇంత ఆత్మీయంగా హగ్ చేసుకోవడం విశేషం. ఈ ఏడాది సెప్టెంబర్‌లో తాను అమెరికా పర్యటనకు వెళ్లినప్పుడు ట్రంప్ ఇచ్చిన ఆతిథ్యానికి ప్రతిగానే జిన్‌పింగ్ ఈ ప్రత్యేక గౌరవాన్ని అందించినట్లు విశ్లేషకులు భావిస్తున్నారు.

కీలక చర్చలపై సర్వత్రా ఆసక్తి:

విమానాశ్రయంలో కొద్దిసేపు ముచ్చటించిన అనంతరం ఇరువురు నేతలు రెడ్ కార్పెట్‌పై కలిసి నడిచారు. పరస్పర గౌరవం, నిష్పాక్షికత ప్రాతిపదికన అమెరికా-చైనా ద్వైపాక్షిక సంబంధాలను మరింత స్థిరంగా, బలంగా మార్చుకోవాలని ఇరు నేతలు ఆకాంక్షించారు. ఈ సదస్సు వేదికగా ట్రంప్, జిన్‌పింగ్‌లతో పాటు రష్యా అధ్యక్షుడు పుతిన్ కూడా పాల్గొననుండటంతో ప్రపంచవ్యాప్తంగా ఈ భేటీలపై భారీ అంచనాలు నెలకొన్నాయి.