ఢిల్లీలో జరిగే మార్చ్ కార్యక్రమాన్ని జయప్రదం చేయండి..
హిందూపురం నుండి ఢిల్లీ దాకా-జీవన జాథా తో హోరెత్తిన డిమాండ్లు...
హిందూపురం టౌన్ మేజర్ న్యూస్:
డిసెంబర్ 1,2,3 తేదీల్లో ఢిల్లీలో జరిగే మార్చ్ కార్యక్రమాన్ని జయప్రదం చేయాలని సత్యసాయి జిల్లా హిందూపురంలో జీవన జాథా ప్రారంభమైంది. ఈ సందర్భంగా తూముకుంట, వాణీ నగర్, పట్టణంలోని బీపీఎల్ షోరూం, ఆర్టీసీ బస్టాండ్ మీదుగా లేపాక్షి, చిలమత్తూరు, గోరంట్ల, పాలసముద్రం ప్రాంతాల్లో ప్రచారం నిర్వహించారు.
ఈ జాథాను సిఐటియు జిల్లా అధ్యక్షులు జెడ్పీ శ్రీనివాసులు జెండా ఊపి ప్రారంభించారు.
ఈ సందర్భంగా సిఐటియు జిల్లా ఉపాధ్యక్షులు విఆర్ రాము మాట్లాడుతూ...
- సుప్రీంకోర్టు చెప్పిన ప్రకారం కార్మికులకు రూ.42,000 వేతనం ఇవ్వాలని
- ఉద్యోగ భద్రత కల్పించాలని
- పెంచిన నిత్యావసర ధరలు తగ్గించాలని
- రైతులకు గిట్టుబాటు ధర కల్పించాలని
- వ్యవసాయ కూలీలకు ఉపాధి హామీ పథకం ద్వారా 200 రోజులు పని, రూ.700 కూలీ ఇవ్వాలని ప్రభుత్వాన్ని డిమాండ్ చేశారు.
ఈ కార్యక్రమంలో సివిల్ సప్లై యూనియన్ జిల్లా కార్యదర్శి పెనుగొండ నాగరాజు, కెవిపిఎస్ జిల్లా నాయకులు కిరణ్, మున్సిపల్ యూనియన్ అధ్యక్ష, కార్యదర్శులు మురళి, నరసింహమూర్తి, శివ, సప్లై యూనియన్ కార్యదర్శి శ్రీరాములు, ఆటో యూనియన్ నాయకులు అంజి, బాబు రెడ్డి, నరసప్ప, గురు, చలివిందుల బాబా తదితరులు పాల్గొన్నారు.
---
-నేటి దినపత్రిక సూర్య టౌన్ రిపోర్టర్ నాగరాజు, హిందూపురం