'మీకో దండం.. నా కాళ్లపై పడొద్దు'.. అభిమాని ప్రవర్తనపై డైరెక్టర్ అనిల్ రావిపూడి అసహనం!
సూర్య ఎంటర్టైన్మెంట్ డెస్క్: టాలీవుడ్ సక్సెస్ ఫుల్ డైరెక్టర్ అనిల్ రావిపూడి ఇటీవల ఒక సినిమా లాంచింగ్ ఈవెంట్లో తీవ్ర అసహనానికి గురయ్యారు. ఆ కార్యక్రమానికి హాజరైన సమయంలో ఒక అభిమాని ఒక్కసారిగా ఆయన కాళ్లకు నమస్కరించడానికి ప్రయత్నించాడు. అది చూసిన అనిల్ రావిపూడి వెంటనే స్పందిస్తూ.. 'నా కాళ్లపై ఎందుకు పడతారు?' అంటూ ఆ అభిమానిపై కాస్త ఆగ్రహం వ్యక్తం చేశారు. దయచేసి ఎవరూ ఇలాంటి పనులు చేయవద్దని వేడుకుంటూ అక్కడున్న వారందరికీ రెండు చేతులెత్తి దండం పెట్టారు. దీనికి సంబంధించిన వీడియో ప్రస్తుతం సోషల్ మీడియాలో వైరల్గా మారింది.
సినిమాల విషయానికి వస్తే, అనిల్ రావిపూడి ఈ ఏడాది 'మన శంకరవరప్రసాద్గారు' చిత్రంతో బ్లాక్ బస్టర్ హిట్ అందుకుని మంచి ఫామ్లో ఉన్నారు. ఈ సినిమా ఇచ్చిన ఉత్సాహంతో వచ్చే ఏడాది సంక్రాంతి కానుకగా మరో భారీ ఫుల్ లెంగ్త్ ఫన్ ఎంటర్టైనర్ను ప్రేక్షకుల ముందుకు తీసుకురావడానికి సిద్ధమవుతున్నారు. విక్టరీ వెంకటేష్, నందమూరి కళ్యాణ్ రామ్ కాంబినేషన్లో రూపొందుతున్న ఈ మల్టీస్టారర్ సినిమా జనవరి 12న విడుదల కానుంది.
ఈ భారీ ప్రాజెక్ట్లో కృతి శెట్టి, కీర్తి సురేష్ హీరోయిన్లుగా నటిస్తుండగా, ప్రస్తుతం ఈ సినిమా షూటింగ్ శరవేగంగా జరుగుతోంది. ఇటీవలె మూవీ సెట్స్లో నటి కృతి శెట్టి జన్మదిన వేడుకలను కూడా చిత్రయూనిట్ ఘనంగా నిర్వహించింది. పండుగ వాతావరణంలో కుటుంబ సమేతంగా చూసేలా రూపుదిద్దుకుంటున్న ఈ చిత్రంపై టాలీవుడ్లో భారీ అంచనాలు నెలకొన్నాయి.
