వైసీపీకి షాక్ టీడీపీలో చేరిన ముఖ్య కుటుంబాలు.
కళ్యాణదుర్గం మండలం దురదకుంట గ్రామంలో వైఎస్సార్ కాంగ్రెస్ పార్టీకి చెందిన కీలక కుటుంబాలు తెలుగుదేశం పార్టీలో చేరాయి. గ్రామానికి చెందిన బోయ గేరిసే వెంకటేషులు, బోయ అశోక్ తమ అనుచరులు, కుటుంబ సభ్యులతో కలిసి వైసీపీని వీడి తెలుగుదేశం పార్టీలో చేరారు. స్థానిక టీడీపీ నాయకుల ఆధ్వర్యంలో నిర్వహించిన ఈ చేరిక కార్యక్రమంలో టీడీపీ నాయకుడు దేవినేని ధర్మతేజ సమక్షంలో వారు పసుపు కండువాలు కప్పుకుని పార్టీలోకి ఆహ్వానం అందుకున్నారు. ఈ సందర్భంగా నూతనంగా పార్టీలో చేరిన నాయకులకు టీడీపీ శ్రేణులు స్వాగతం పలికాయి. గ్రామంలో పార్టీ బలోపేతానికి కృషి చేస్తామని నూతనంగా చేరిన వారు పేర్కొన్నారు. వైసీపీకి చెందిన ముఖ్య కుటుంబాలు టీడీపీలో చేరడం స్థానిక రాజకీయాల్లో చర్చనీయాంశంగా మారింది. గ్రామస్థాయిలో రాజకీయ సమీకరణాలు మారుతున్న నేపథ్యంలో ఈ చేరికలు తెలుగుదేశం పార్టీకి మరింత బలాన్ని చేకూరుస్తాయని స్థానిక టీడీపీ నాయకులు భావిస్తున్నారు. కార్యక్రమంలో స్థానిక టీడీపీ నాయకులు, కార్యకర్తలు పాల్గొన్నారు.
కళ్యాణదుర్గం టౌన్ రిపోర్టర్ :- బోయ రంగస్వామి.