సుజాతనగర్ లో ఓటు హక్కును వినియోగించుకున్న పెందుర్తి ఎమ్మెల్యే పంచకర్ల

గ్రేటర్ విశాఖ మున్సిపల్ కార్పొరేషన్ పరిధిలో గల పెందుర్తి నియోజకవర్గం  9 వార్డుల్లోను ఓటర్లు ఎన్నికల కేంద్రాలకు క్యూ కట్టారు. జీవీఎంసీ సుజాతనగర్ సమీపంలోని పోలింగ్ కేంద్రంలో జనసేన విశాఖ ఉమ్మడి రూరల్ జిల్లా అధ్యక్షులు, పెందుర్తి శాసనసభ్యులు పంచకర్ల రమేష్ బాబు తమ ఓటు హక్కును వినియోగించుకున్నారు.
ఈ సందర్భంగా ఎమ్మెల్యే పంచకర్ల రమేష్ బాబు  మాట్లాడుతూ విశాఖ నగర ప్రజలు చైతన్యవంతులని, వివేకంతో ఓటు వేస్తారని ఆశిస్తున్నట్లు పేర్కొన్నారు. ఎవరు అభివృద్ధి చేస్తున్నారో గుర్తించి సమర్థులైన అభ్యర్థులను ఎన్నుకోవాలని ప్రజలకు విజ్ఞప్తి చేశారు. ప్రజాస్వామ్య వ్యవస్థలో ఓటు వజ్రాయుధం లాంటిదని దాన్ని సద్వినియోగం చేసుకోవడం ప్రతి ఓటర్ బాధ్యత అని ఆయన పేర్కొన్నారు. పెందుర్తి నియోజకవర్గం పరిధిలోని అన్ని పోలింగ్ కేంద్రాల్లోనూ పెద్ద ఎత్తున ఓటర్లు పోలింగ్ కేంద్రాలకు చేరుకొని ఓటేస్తుండటం శుభ పరిణామం అన్నారు.