కూటమి అభ్యర్థులను భారీ మెజార్టీతో గెలిపించాలి

నెల్లూరు రూరల్ ,మేజర్ న్యూస్  : నెల్లూరు రూరల్ నియోజకవర్గ పరిధిలోని గొల్లకందుకూరు, సజ్జాపురం గ్రామాల్లో నిర్వహించిన ఆత్మీయ సమావేశాల్లో తెలుగుదేశం పార్టీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి పాల్గొన్నారు. ఈ సందర్భంగా కూటమి అభ్యర్థులకు మద్దతుగా మాట్లాడారు.   నెల్లూరు రూరల్ మండల అభివృద్ధి, ప్రజా సంక్షేమమే లక్ష్యంగా కూటమి ప్రభుత్వం పనిచేస్తోందని ఆయన పేర్కొన్నారు. రాబోయే ఎన్నికల్లో కూటమి బలపరిచిన నెల్లూరు రూరల్ జడ్పీటీసీ అభ్యర్థి చెన్నారెడ్డి శ్రీనివాసులు రెడ్డికి, గొల్లకందుకూరు ఎంపీటీసీ అభ్యర్థి మంగళపూడి పద్మావతికి అత్యధిక ఓట్లు వేసి భారీ మెజార్టీతో గెలిపించాలని గ్రామ ప్రజలను కోరారు.  గ్రామాల అభివృద్ధి, ప్రజా సమస్యల పరిష్కారానికి కూటమి అభ్యర్థులకు ప్రజలు మద్దతు ఇవ్వాలని గిరిధర్ రెడ్డి విజ్ఞప్తి చేశారు.