గ్రామపంచాయతీ స్థలం కాపాడాలని ఫిర్యాదు

నవాబుపేట సూర్య న్యూస్:నవాబుపేట గ్రామంలోని గ్రామపంచాయతీకి చెందిన స్థలాన్ని ఆక్రమణల నుంచి కాపాడాలని కోరుతూ సోమవారం నిర్వహించిన మండల ప్రజావాణి కార్యక్రమంలో శిక్షణ డిప్యూటీ కలెక్టర్ క్రిస్టియానాకు గ్రామస్థులు ఫిర్యాదు అందజేశారు.ఈ సందర్భంగా వారు మాట్లాడుతూ..పాత బస్టాండ్ సమీపంలోని పోస్టాఫీస్ పక్కన సుమారు 200 గజాల గ్రామపంచాయతీ స్థలం ఉందని,ఇద్దరు వ్యక్తులు ఆ స్థలం తమదంటూ డబ్బాను తొలగించి,చెట్లను తొలగించే ప్రయత్నం చేస్తూ సిమెంట్ పలకలు ఏర్పాటు చేసి ఆక్రమించేందుకు యత్నిస్తున్నారని ఫిర్యాదులో పేర్కొన్నారు.ఈ స్థలంపై మహబూబ్‌నగర్ జిల్లా కోర్టులో కేసు పెండింగ్‌లో ఉన్నప్పటికీ పనులు చేపడుతున్నారని తెలిపారు.గతంలో సర్పంచ్,గ్రామ కార్యదర్శికి ఫిర్యాదు చేసినా చర్యలు తీసుకోలేదన్నారు.విచారణ పూర్తయ్యే వరకు స్థలంలో ఎలాంటి నిర్మాణాలు చేపట్టకుండా చర్యలు తీసుకోవాలని,ఏర్పాటు చేసిన సిమెంట్ పలకలను తొలగించి గ్రామపంచాయతీ ఆస్తిని పరిరక్షించాలని కోరారు.ఈ కార్యక్రమంలో మాజీ సర్పంచ్ గోపాల్ గౌడ్,నాయకులు తాహేర్ బృంగి రవీందర్,మెండే అంజయ్య,రాజు,ఫయాజ్,తిరుపతయ్య తదితరులు పాల్గొన్నారు.