షబ్బీర్ మృతి పట్ల అనంత వెంకటరామిరెడ్డి సంతాపం భౌతికకాయానికి నివాళులర్పించి కుటుంబ సభ్యులకు పరామర్శ

అనంతపురం బ్యూరో, మేజర్ న్యూస్ : అనంతపురం అర్బన్ పరిధిలోని రాజీవ్ కాలనీ పంచాయతీకి చెందిన వైఎస్సార్‌సీపీ నాయకురాలు హజరా బీ భర్త షబ్బీర్ గారు గుండెపోటుతో మృతి చెందారు. ఆయన మరణవార్త తెలుసుకున్న వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి స్థానిక నాయకులతో కలిసి షబ్బీర్ భౌతికకాయాన్ని సందర్శించి పూలమాలలు వేసి ఘనంగా నివాళులర్పించారు.

అనంతరం మృతుడి కుటుంబ సభ్యులను పరామర్శించి తన ప్రగాఢ సానుభూతిని తెలియజేశారు. కుటుంబానికి పార్టీ నాయకులు, కార్యకర్తలు అండగా ఉంటారని భరోసా ఇచ్చారు. ఈ కార్యక్రమంలో స్థానిక వైఎస్సార్‌సీపీ నాయకులు, కార్యకర్తలు పాల్గొని షబ్బీర్ మృతికి సంతాపం తెలిపారు.

రిపోర్టర్ : మొయినుద్దీన్, అనంతపురం బ్యూరో, మేజర్ న్యూస్.