పదవీ విరమణ పొందిన ఆర్మీ జవాన్ కు ఘన సన్మానం

పలాస, సూర్య : పలాస మండలం శాసనం గ్రామానికి చెందిన బారకల కృష్ణారావు రాజస్థాన్ లో ఆర్మీ జవాన్ గా 18 ఏళ్ల పాటు పని చేసి పదవీ విరమణ పొందారు. ఆయనను గ్రామస్తులు సోమవారం పలాస ఆర్టీసీ కాంప్లెక్స్ వద్ద ఘనంగా సన్మానించారు.అనంతరం ప్రత్యేక వాహనంలో ఆర్మీ జవాన్ బారకల కృష్ణారావు, భార్య లలితలను జాతీయ జెండాలతో ఊరేగింపుగా గ్రామానికి తీసుకువెళ్లారు.

18 ఏళ్లు ఆర్మీలో సేవ, ఇది మరువలేని గౌరవం - జవాన్ కృష్ణారావు

ఈ సందర్భంగా జవాన్ బారకల కృష్ణారావు మాట్లాడుతూ 18 ఏళ్ల పాటు ఇండియన్ ఆర్మీలో పని చేశానని, మొదట రాజస్థాన్ లో ఆర్మీలో చేరానని చెప్పారు. ఒక ఏడాది పాటు ఇండియన్ ఆర్మీ ఆదేశాల మేరకు సౌత్ ఆఫ్రికా దేశంలో పని చేస్తూ తిరిగి రాజస్థాన్ ఆర్మీలో పని చేశానని తెలిపారు. 18 ఏళ్లు ఆర్మీలో పని చేయడం చాలా ఆనందంగా ఉందన్నారు.గ్రామస్తులు జాతీయ జెండాలతో ఊరేగింపుగా గ్రామానికి తీసుకువెళ్లడం, ఘనంగా సన్మానించడం జీవితంలో మరువలేనిదని, తనకు ఇంత గౌరవాన్ని ఇచ్చిన గ్రామస్తులకు ప్రత్యేక ధన్యవాదాలు తెలుపుతున్నానని చెప్పారు.కార్యక్రమంలో కుప్పిలి శివకుమార్, మంగి సంతోష్ కుమార్, బారకల జీవనరావు, బి.కుమారస్వామి, పి.సునీల్, డిల్లి జయరాం, అల్లాడ రవికుమార్, కొత్త ధర్మారావు, మంగి మోహనరావు తదితరులు పాల్గొన్నారు.