andhrapradesh
ఏఎన్యూలో కౌంటింగ్ కేంద్రం.. పరిశీలించిన ఎస్పీ వకుల్ జిందాల్.
పెదకాకాని న్యూస్ :గుంటూరు, తెనాలి మున్సిపల్ ఎన్నికల కౌంటింగ్ నేపథ్యంలో ఆచార్య నాగార్జున విశ్వవిద్యాలయంలో ఏర్పాటు చేసిన కౌంటింగ్ కేంద్రాన్ని జిల్లా ఎస్పీ వకుల్ జిందాల్ సోమవారం పరిశీలించారు. కౌంటింగ్ అనంతరం విజయోత్సవ ర్యాలీలకు అనుమతి లేదని, ప్రజలు గుంపులుగా గుమిగూడకుండా నిఘా ఉంచాలని పోలీస్ అధికారులను ఆదేశించారు. శాంతిభద్రతలకు విఘాతం కలిగించే వారిపై కఠిన చర్యలు తీసుకోవాలని సూచించారు. పెదకాకాని సీఐ నారాయణస్వామి పోలీస్ సిబ్బంది ఉన్నారు.
