కళా ప్రదర్శనలతో ప్రజల్లో చైతన్యం

సిద్దిపేట రూరల్ : ప్రజలకు ప్రభుత్వ పథకాలపై అవగాహన కల్పించడంతో పాటు సామాజిక సమస్యలపై చైతన్యం తీసుకురావడమే లక్ష్యంగా కళా ప్రదర్శనలు నిర్వహిస్తున్నట్లు టీఎస్ఎస్ సిద్దిపేట జిల్లా బృందం నాయకుడు కొమ్ము రవీందర్ తెలిపారు. సోమవారం జిల్లా కలెక్టర్, సమాచార పౌర సంబంధాల శాఖ అధికారి బిజ్జూరి రవికుమార్ ఆదేశాల మేరకు నారాయణరావుపేట మండలం గుర్రాలగొంది గ్రామంలో కళా ప్రదర్శనలో ఆయన పాల్గొన్నారు. ఈ సందర్భంగా ఆయన మాట్లాడుతూ ఎల్‌నినో ప్రభావాలు, పరిసరాల పరిశుభ్రత, రహదారి భద్రత నియమాలు, మాదకద్రవ్యాల నియంత్రణపై కళాకారులు తమ ప్రదర్శనల ద్వారా ప్రజలకు అవగాహన కల్పించారని పేర్కొన్నారు. ప్రతి ఒక్కరూ పరిసరాల పరిశుభ్రత పాటించాలని, రహదారి భద్రత నియమాలను అనుసరించాలని, మాదకద్రవ్యాలకు దూరంగా ఉండాలని సూచించారు. ప్రభుత్వ పథకాలను సద్వినియోగం చేసుకోవాలని కోరారు. ఈ కార్యక్రమంలో గ్రామ సర్పంచ్ ఆకుల స్వప్న హరీష్, పంచాయతీ కార్యదర్శి రమాదేవి,కళాకారులు కొమ్ము రవీందర్, వెంకటాపురం రవి, మోతె బాబు, ఈ. క్రాంతి కుమార్, బండ మంజుల, నీరటి రవీందర్, ముక్కపల్లి భార్గవి, కొమ్ము ఎల్లయ్య, యేల్పుల తిరుమలయ్య, గ్రామ ప్రజలు తదితరులు పాల్గొన్నారు.

(సూర్య రూరల్, రమేష్)