మాత శిశు మరణాల పై ప్రత్యేక సమీక్ష సమావేశం

 జిల్లా వైద్య ఆరోగ్య శాఖ అధికారి డాక్టర్ నాగ శశిభూషణ్ రెడ్డి 

చిత్తూరు ప్రతినిధి మేజర్ న్యూస్. జిల్లా లో గత మూడు నెలలలో ఒక మాతృ , ఏడు శిశు మరణాల పై ప్రత్యక్ష సమీక్ష సమావేశం సోమవారం జిల్లా వైద్యారోగ్య శాఖ కార్యాలయం లోని సమావేశ మందిరంలో డీఎంహెచ్ఓ నాగ శశిభూషణ్ రెడ్డి ఆధ్వర్యంలో నిర్వహించారు. ఈ సందర్భంగా ఆయన మాట్లాడుతూ హై రిస్క్ గర్భిణీ స్త్రీలు,శిశువుల పట్ల ప్రత్యేక శ్రద్ధ వహించాలని,ఆసుపత్రిలో ప్రసవాలకు ప్రజలను మోటివేషన్ చేయవలసినదిగా, రిఫరల్స్ ను వెంటనే ఉన్నత కేంద్రాలకు తరలించవలసినదిగా, ప్రతి హైరిస్క్ గర్భవతులను సకాలంలో గుర్తించి వారిని తరచూ స్త్రీ వ్యాధి నిపుణులకు చూపించాలని, ఒకవేళ సమస్య ఉంటే దగ్గర లోని ప్రభుత్వ ఆసుపత్రి నందు వారంకు ముందే చేర్పించాలని తెలిపారు. గర్భవతి అయినది మొదలు, ప్రతి గర్భవతిని సాధారణ కాన్పు కోసం సిద్ధం చేయాలని, మూఢ నమ్మకాలతో, ముహూర్తాలతో ప్రసవాలు చెయ్యరాదని, సాధ్యమైనంత వరకు సిజేరియన్ ఆపరేషన్ జరగకుండా చూడాలని తెలిపారు. గర్భస్థ సమయంలో పౌష్టికాహారం తో పాటు అన్ని జాగ్రత్తలు తీసుకున్నచో రక్తహీనత లేకుండా మాతృ మరణాలను నివారించవచ్చని, అందుకే ప్రతి హై రిస్క్ గర్భిణీని సూపర్వైజర్ స్టాప్ తో మ్యాపింగ్ చేయాలని వీరు ఎప్పటికప్పుడు జాగ్రత్తలు తీసుకోవాలి అన్నారు. పౌష్టికాహారం లోపం లేకుండా, రక్తహీనత లేకుండా, గర్భస్థ సమయంలో రెగ్యులర్ చెకప్ తో శిశు మరణలను నివారించవచ్చని, ఆలాగే లైన్ డిపార్ట్మెంట్స్ అందరూ కలసి పక్కా ప్రణాళికతో జాగ్రత్తలు తీసుకొని ముందుకు వెళ్లాలన్నారు. వీలైనంత త్వరగా , కాలయాపన లేకుండా చికిత్స ఇప్పించినచో మాతృశిశు మరణాలను నివారించవచ్చు అన్నారు.ఈ సమావేశంలో ప్రభుత్వ ఆసుపత్రి సూపర్డెంట్ డాక్టర్ ఉషశ్రీ, డాక్టర్ అశోక్ కుమార్,డాక్టర్ అనూష,, 

 వెంకటేశ్వరి, మోహన్ బాబు, తాస్కెంట్ ,వివిధ పిహెచ్సి డాక్టర్లు సూపర్వైజర్లు, ఏఎన్ఎంలు, అంగన్వాడి కార్యకర్తలు ఆశలు పాల్గొన్నారు.

ఉమాశంకర్ చిత్తూరు స్టాఫ్ రిపోర్టర్.