బోని గ్రామంలో గెలుపు దిశగా తాట్రాజ్ అప్పారావు జోరు....
అనందపురం, సూర్య : అనందపురం మండలంలో తెలుగుదేశం పార్టీ నేత తాట్రాజు అప్పారావు తిరుగులేని శక్తిగా ఎదిగారు. స్థానిక ఎన్నికల ప్రచారంలో భాగంగా బోని, శిర్లపాలెం, పేకేరు గ్రామంలో తెలుగుదేశం పార్టీ శ్రేణులు మంగళవారం భారీ స్థాయిలో ర్యాలీ నిర్వహించేందుకు సన్నహాలు. ఈ ర్యాలీలో వందలాది మంది తెలుగు తమ్ముళ్లు, నాయకులు, కార్యకర్తలు, అభిమానులు పాల్గొని తాట్రాజు అప్పారావు మద్దతుగా వస్తారు.ఈ ర్యాలీతో బోని, శీర్లపాలెం, పేకేరు గ్రామం మొత్తం పసుపు మయం అవ్వాలని ప్రజలను కోరారు. ఈ సందర్భంగా సురాల సత్య వరప్రసాద్ రావు, కోరాడ గౌరి నాయుడు, శీర్ల అప్పలనాయుడు, కర్రీ శీను, తెలుగు తమ్ముళ్లు మాట్లాడుతూ బోని, శీర్లపాలెం, పేకెరు గ్రామంలలో తిరుగు లేదని, ఆనందపురం టిడిపి పార్టీ ప్రెసిడెంట్ గా ఆయన చేసిన సేవలు, అభివృద్ధి పనులే ఆయనను గెలిపిస్తాయని అన్నారు. ఎన్నికల్లో తాట్రాజు అప్పారావు భారీ మెజారిటీతో గెలిపించుకుంటామని, మండల అధ్యక్షుడిగా (ఎంపీపీ ) బాధ్యతలు స్వీకరిస్తారని ధీమా వ్యక్తం చేశారు. ఆనందపురం మండలంలో తెలుగుదేశం హవా కొనసాగుతోందని, భీమిలి ఎమ్మెల్యే గంటా శ్రీనివాసరావు నాయకత్వంలో ప్రతి ఎంపీటీసీ స్థానాన్ని గెలుచుకుంటామని నాయకులు తెలిపారు.
