డబల్ బెడ్ రూమ్ ఇళ్లపై త్వరితగతిన సమగ్ర విచారణ చేపట్టాలి

సూర్య ఖానాపూర్ : నిర్మల్ జిల్లా ఖానాపూర్ పట్టణం కొమరం భీమ్ చౌరస్తాలో నిర్మించిన డబల్ బెడ్ రూమ్ ల పై సమగ్రంగా విచారణ చేపట్టి అనర్హులను తొలగించి, అర్హులైన వారికి ఇండ్లు కేటాయించాలని పలువురు బాధితులు, సిపిఐ న్యూ డెమోక్రసీ నాయకులు జిల్లా కలెక్టర్ భవేష్ మిశ్రాకు వినతిపత్రాన్ని అందించారు. ఈ సందర్భంగా నాయకులు సునకారి రాజేశ్ మాట్లాడుతూ, గత ప్రభుత్వం ఇల్లు లేని పేదలకు నిర్మించిన డబుల్ బెడ్ రూమ్ ఇండ్లలో పంపకాలు చేసే క్రమంలో ప్రభుత్వ నిబంధనలకు విరుద్ధంగా కొందరిని ఎంపిక చేశారని అన్నారు. అందులో నుండి అనర్హులను తొలగించాలని పలుమార్లు విన్నవించిన, అధికారులు విచారణ పేరుతో కాలయాపన చేయడం సరికాదన్నారు. నిరుపేదలు అద్దెలు  చెల్లించలేని స్థితిలో మరియు తినడానికి తిండిలేనటువంటి పరిస్థితి పలువురికి ఉందన్నారు. అటువంటి పేదలకు డబల్ బెడ్ రూములు ఇవ్వకుండా అనర్హులకు కేటాయించారని, వెంటనే అధికారులు అనర్హులను తొలగించి అర్హులైన వారికి డబల్ బెడ్ రూమ్ ఇళ్లను ఇవ్వాలని అన్నారు. ఇందులో ఐఎఫ్టియు

జిల్లా ఉపాధ్యక్షులు దుర్గం లింగన్న, డబల్ బెడ్రూంల సాధన కమిటీ కన్వీనర్ తోటరాద , కో కన్వీనర్ షేక్ గౌస్, మసీద్, షాదుల్లా, లక్ష్మి గీత ,రుక్మ ,కమల, గంగోత్రి ఇతరులు ఉన్నారు.