విశ్రాంత ఉద్యోగి రాంబాబుకు ఏపీ ఎన్జీవో సంఘం నివాళి

పాలకొండ, సూర్య :  పాలకొండ తహశీల్దార్ కార్యాలయంలో సుదీర్ఘకాలం పాటు ఆఫీస్ సబార్డినేట్గా విధులు నిర్వహించి పదవీ విరమణ పొందిన పిల్లాల రాంబాబు నక్కలపేటలోని ఆయన స్వగృహంలో ఆదివారం రాత్రి గుండెపోటుతో ఆకస్మికంగా మృతి చెందారు. ఆయన మృతికి ఏపీ ఎన్జీవో సంఘం నాయకులు ప్రగాఢ సంతాపం వ్యక్తం చేసి సోమవారం నివాళులు అర్పించారు. మన్యం జిల్లా ఏపీ ఎన్జీవో సంఘ ప్రధాన కార్యదర్శి రంగాచారి, పాలకొండ ఏపీ ఎన్జీవో సంఘ అధ్యక్షుడు పైల ఈశ్వరరావు రాంబాబు భౌతికకాయానికి పుష్పమాలలు వేసి నివాళులర్పించారు. ఉద్యోగుల సంక్షేమం కోసం ఆయన చేసిన సేవలు చిరస్మరణీ యమని పేర్కొన్నారు. ఎన్జీవో సీనియర్ నాయకులు, రిటైర్డ్ ఉద్యోగి పాలవలస రమేష్, రెవెన్యూ ఉద్యోగి మనోజ్ కుమార్ రాంబాబుకు నివాళులర్పించిన వారిలో ఉన్నారు. ఆయన కుటుంబ సభ్యులకు ప్రగాఢ సానుభూతి తెలియజేశారు.