గ్రాడ్యుయేట్ ఎమ్మెల్సీ ఓటరు నమోదుకు ఈ నెల 6 వరకే
*కడ్తాల్, రంగారెడ్డి జిల్లా :
గ్రాడ్యుయేట్ ఎమ్మెల్సీ ఓటరు నమోదుకు నెల 6 వరకే అని , అర్హులైన పట్టభద్రులందరూ ఈ అవకాశాన్ని సద్వినియోగం చేసుకోవాలని కల్వకుర్తి ఎమ్మెల్యే కసిరెడ్డి నారాయణరెడ్డి పిలుపునిచ్చారు.
కల్వకుర్తి నియోజకవర్గ పరిధిలోని కడ్తాల్, ఆమనగల్, తలకొండపల్లి, వెల్దండ, మాడ్గుల, కల్వకుర్తి మండలాలలోని కాంగ్రెస్ పార్టీ శ్రేణులందరూ ఈ అవకాశాన్ని సద్వినియోగం చేసుకోవాలని కోరారు.
నియోజకవర్గంలోని కార్యకర్తలు, ప్రజాప్రతినిధులు, నాయకులు, సర్పంచులు, వార్డు సభ్యులు, మాజీ ప్రజాప్రతినిధులు, యువజన కాంగ్రెస్, NSUI, మహిళా కాంగ్రెస్, సేవాదళ్ నాయకులు, మండల - పట్టణ అధ్యక్షులు, బూత్ కమిటీ సభ్యులందరూ ప్రతి గ్రామం, ప్రతి వార్డులో ఉన్న గ్రాడ్యుయేట్లను గుర్తించి ఓటర్లుగా నమోదు చేయడానికి కృషి చేయాలన్నారు.
గ్రాడ్యుయేట్ ఓటు నమోదు ద్వారా విద్యావంతుల గొంతును శాసనమండలిలో వినిపించే అవకాశం లభిస్తుందని, అర్హులైన పట్టభద్రులందరూ నవంబర్ 6 లోపు తమ ఓటును నమోదు చేసుకోవాలని కోరారు.
