బియ్యం అధిక ధరలకు విక్రయిస్తే కఠిన చర్యలు తప్పవు.

బియ్యం అధిక ధరలకు విక్రయిస్తే కఠిన చర్యలు తప్పవు.

 సూర్య రాజన్న సిరిసిల్ల జిల్లా ప్రతినిధి 

 రాజన్న సిరిసిల్ల జిల్లాలో బియ్యం అధిక ధరలకు విక్రయిస్తే చర్యలు తప్పవని జిల్లా పౌర సరఫరాల శాఖ అధికారులు హెచ్చరించారు. సోమవారం ఈ మేరకు ఉత్తర్వులు జారీ చేసిన అధికారులు ప్రభుత్వం నిర్ణయించిన బియ్యం గరిష్ట ధరల పట్టికను విడుదల చేశారు.

​సిరిసిల్ల పట్టణంలో సోమవారం పలు దుకాణాలను తనిఖీ చేసిన జిల్లా పౌర సరఫరాల అధికారి తనూజ, ప్రైవేటు దుకాణాల్లో ప్రభుత్వం నిర్దేశించిన గరిష్ట రిటైల్ ధరలకే (ఎంఆర్‌పీ) బియ్యం విక్రయించాలని స్పష్టం చేశారు. అధిక ధరలకు అమ్మితే కఠిన చర్యలు తీసుకుంటామని హెచ్చరిస్తూ, ప్రతి విక్రయ కేంద్రం వద్ద ధరల పట్టిక బ్యానర్లను తప్పనిసరిగా ఏర్పాటు చేయాలని ఆదేశించారు.

​ప్రభుత్వం నిర్ణయించిన గరిష్ట ధరలు (కిలోకు):

• ​బీపీటీ / కేఎన్ఎం: రూ.66
• ​తెలంగాణ సోనా (ఆర్ఎన్ఆర్): రూ.74
• ​హెచ్‌ఎంటీ / జేఎస్ఆర్: రూ.79