శ్రీవారి హుండీల ఆదాయం రూ. 2 కోట్ల 52 లక్షలు

ద్వారకాతిరుమల మేజర్ న్యూస్: ద్వారకాతిరుమల శ్రీ వెంకటేశ్వర స్వామి వారి ఆలయంలో గడిచిన 27 రోజులకు హుండీల ద్వారా వచ్చిన నగదు లెక్కింపు కార్యక్రమం బుధవారం ప్రమోద కళ్యాణ మండపంలో జరిగింది. ఈ లెక్కింపులో నగదు రూపేనా రూ.2,52,47,879/లు, బంగారం 127 గ్రాములు, వెండి 3 కేజీల 466 గ్రాములు, లభించినట్లు ఆలయ కార్యనిర్వాహణాధికారి వేండ్ర త్రినాధ రావు తెలిపారు. హుండీల ద్వారా స్వామివారికి సగటున రోజుకి రూ. 9,35,107/ రూపాయలు ఆదాయం లభించినట్లు   ఇవో తెలిపారు. వీటితోపాటు పలు విదేశీ కరెన్సీ వచ్చినట్లు ఆయన తెలిపారు. హుండీ లెక్కింపులో ఆలయ సిబ్బంది కేశఖండనశాల సిబ్బంది వేద పాఠశాల విద్యార్థులు బ్యాంకు సిబ్బంది పాల్గొన్నారు.