రూప్ కుమార్ గెలుపు బీసీ ఎస్సీ ఎస్టీ ల ఆత్మ గౌరవం ను పెంపొoదిస్తుంది

నెల్లూరు రూరల్,  మేజర్ న్యూస్ :   నెల్లూరు నగర పాలక సంస్థ ఎన్నికలలో కూటమి మేయర్ అభ్యర్థిగా పోటీ చేస్తున్న పేద, బడుగు బలహీన వర్గాల నేత పోలుబోయిన రూప్ కుమార్ యాదవ్ కు బీసీ, ఎస్సీ, ఎస్టీ, మైనారిటీ వర్గాల ప్రజలు , ప్రజాస్వామ్య వాదులు,యువత విద్యార్థులు, సైకిల్ గుర్తు పై ఓటు వేసి గెలిపించాలని అఖిల భారత ఓబీసీ సంక్షేమ సంఘం జాతీయ అధ్యక్షులు అంగిరేకుల వరప్రసాద్ యాదవ్ నగర ప్రజానికానికి విజ్ఞప్తి చేశారు. గురువారం నెల్లూరు లో జరిగిన విలేకరుల సమావేశంలో వరప్రసాద్ యాదవ్,యానాది హక్కుల పోరాట సమితి రాష్ట్ర అధ్యక్షుడు, న్యాయవాది తిరువీధుల శంకర్ ప్రసాద్,మాల మహా నాడు రాష్ట్ర అధ్యక్షుడు సురేష్ లతో కలిసి మాట్లాడారు.

నెల్లూరు నగర పాలక సంస్థ టీడీపీ మేయర్ అభ్యర్థి రూప్ కుమార్ యాదవ్ విజయం బీసీ,ఎస్సీ,ఎస్టీ, మైనారిటీల ఆత్మ గౌరవాన్ని పెంపొందిస్తుందని వరప్రసాద్ యాదవ్ పేర్కొన్నారు. టీడీపీ పాలన లోనే బలహీన వర్గాల, మహిళల సాధికారత సాధ్యమన్నారు, సీఎం చంద్రబాబు, డిప్యూటీ సీఎం పవన్ కళ్యాణ్ , పురపాలిక శాఖ మంత్రి నారాయణ సారథ్యంలో , నగరాలలో, పట్టణాల్లోమౌలిక సదుపాయాల కల్పన కోసం ప్రభుత్వం చిత్త శుద్ధితో కృషి చేస్తోందని ఈ అభివృద్ధిని కొనసాగించేందుకు ప్రజలందరూ టీడీపీ మేయర్ అభ్యర్థి రూప్ కుమార్ యాదవ్, కార్పొరేటర్ అభ్యర్థులను గెలిపించాలని వరప్రసాద్ యాదవ్, శంకర్ ప్రసాద్ ,విజ్ఞప్తి చేశారు.నెల్లూరు నగరం లో మేయర్ పోటీ వైసీపీ పెత్తo దారీ వర్గానికి టీడీపీ కూటమి ప్రజాస్వామ్య వర్గానికి మధ్య జరుగు తున్న ఎన్నికల పోరు లో ప్రజలు విజ్ఞత తో ప్రజాస్వామ్యాన్ని  గెలిపించాలని వరప్రసాద్ యాదవ్ కోరారు.మాల మహానాడు రాష్ట్ర అధ్యక్షుడు సురేష్ మాట్లాడుతూ మంత్రి నారాయణ,ఎంపీ వేమిరెడ్డి,   ఎమ్మెల్యే  కోటంరెడ్డి శ్రీధర్ రెడ్డి, జనసేన, బీజేపీ శ్రేణుల సమిష్టి కృషితో నెల్లూరు నగర మేయర్ గా రూప్ కుమార్ యాదవ్ అఖండ విజయం సాధించటం ఖాయం అని అన్నారు.ఈ సమావేశం లో ఓబీసీ సంక్షేమ సంఘం జిల్లా నాయకులు  కృష్ణ,చరణ్,మహేష్,సుధీర్,ప్రవీణ్,
తదితరులు పాల్గొన్నారు.