క్రీడాకారులకు శాప్ చైర్మన్ అభినందన

తిరుపతి ఎడ్యుకేషన్ మేజర్ న్యూస్

చైనాలోని జింగ్‌షాన్‌లో ఈనెల 31 వరకు జరగనున్న 5వ ప్రపంచ జూనియర్ సాఫ్ట్ టెన్నిస్ ఛాంపియన్‌షిప్‌–2026లో ఆంధ్రప్రదేశ్‌కు చెందిన ఏ.ఎస్. వైశాలి, తమిళనాడుకు చెందిన తనికా తాయుమానవన్‌లు జపాన్ పై అద్భుతమైన ప్రదర్శన కనబరిచి బాలికల డబుల్స్ విభాగంలో కాంస్య పతకం సాధించారు. ఈ మేరకు గురువారం అద్భుత ప్రతిభతో కాంస్య పథకం సాధించిన క్రీడాకారులను శాప్ చైర్మన్ రవి నాయుడు అభినందించారు. ఈ సందర్భంగా ఆయన మాట్లాడుతూ అంతర్జాతీయ వేదికపై తమ ప్రతిభను చాటుతూ భారతదేశానికి కీర్తి ప్రతిష్ఠలు తీసుకువచ్చిన వైశాలి, తనికాల విజయం అభినందనీయమని పేర్కొన్నారు. క్రీడాకారిణులు ప్రదర్శించిన కృషి, పట్టుదల, అంకితభావం దేశంలోని యువ క్రీడాకారులకు, ముఖ్యంగా యువ క్రీడాకారిణులకు స్ఫూర్తిదాయకమని కొనియాడారు. భవిష్యత్తులోనూ మరిన్ని విజయాలు సాధిస్తూ అంతర్జాతీయ స్థాయిలో రాష్ట్రానికి దేశానికి

పేరు తీసుకురావాలని ఆయన ఆకాంక్షించారు 

క్రీడారంగంలో ఉన్నత శిఖరాలను అధిరోహించి మరిన్ని పతకాలు సాధించాలని ఆకాంక్షిస్తూ రవి నాయుడు వైశాలికి శుభాకాంక్షలు తెలియజేశారు.