పలమనేరు మున్సిపాలిటీలో శ్రీలక్ష్మి విస్తృత ప్రచారం

పలమనేరు, అక్టోబర్ 28:

పలమనేరు మున్సిపల్ ఎన్నికల ప్రచారంలో వైసీపీ చైర్మన్ అభ్యర్థి శ్రీలక్ష్మి విస్తృతంగా పర్యటిస్తూ ఓటర్లను కలుసుకున్నారు. పట్టణంలోని మారెమ్మ దేవాలయంలో ప్రత్యేక పూజలు నిర్వహించి, అమ్మవారి ఆశీస్సులు తీసుకున్న అనంతరం ఎన్నికల ప్రచారాన్ని ప్రారంభించారు.            

మున్సిపాలిటీ పరిధిలోని 32వ వార్డులో కౌన్సిలర్ అభ్యర్థి రెడ్డి ప్రసాద్‌తో కలిసి ఇంటింటికీ వెళ్లి ప్రచారం నిర్వహించారు. వైసీపీ చైర్మన్ అభ్యర్థిగా తనకు, కౌన్సిలర్ అభ్యర్థికి ఫ్యాన్ గుర్తుపై ఓటు వేసి గెలిపించాలని ఓటర్లను కోరారు.అదేవిధంగా 33వ వార్డులో పవిత్ర నరేష్‌తో కలిసి ఇంటింటి ప్రచారం చేపట్టి ఫ్యాన్ గుర్తుకు ఓటు వేయాలని అభ్యర్థించారు. 31వ వార్డులోని ముజ్జు పల్లి వీధి, కంసాల వీధుల్లోనూ శ్రీలక్ష్మి ప్రచారం నిర్వహించారు.ఈ సందర్భంగా కౌన్సిలర్ అభ్యర్థులు మాట్లాడుతూ, ఎన్నికల్లో విజయం సాధించిన వెంటనే వార్డుల్లో నెలకొన్న సమస్యలను గుర్తించి పరిష్కరించేందుకు కృషి చేస్తామని ప్రజలకు హామీ ఇచ్చారు.