నువ్వూరుపాడు సెగ్మెంట్ అభివృద్ధి లక్ష్యం

నువ్వురుపాడు సెగ్మెంట్ అభివృద్ధి లక్ష్యం 
--ప్రజా సంక్షేమం సంకల్పం --టిడిపి అభ్యర్థి ఖాజావలి
ఆత్మకూరు,సోమా వెంకటసుబ్బయ్య,మేజర్ న్యూస్:
నువ్వురుపాడు మండల ప్రాదేశిక నియోజకవర్గం పరిధిలోని అన్ని గ్రామాల, కాలనీల అభివృద్ధి లక్ష్యంగా, అన్ని వర్గాల ప్రజా సంక్షేమమే సంకల్పంగా తాను ఎన్నికల్లో ఎంపీటీసీ స్థానం నుండి తెలుగుదేశం అభ్యర్థిగా కూటమి ఆధ్వర్యంలో పోటీ చేస్తున్నానని నువ్వురుపాడు సెగ్మెంట్ ఎంపీటీసీ టిడిపి అభ్యర్థి షేక్ ఖాజావలి పేర్కొన్నారు. తన వంతుగా ప్రజలకు సేవలు అందించాలన్న తపనతో, ఆకాంక్షతో రాష్ట్ర దేవాదాయ ధర్మాదాయ శాఖ మంత్రి ఆనం రామనారాయణ రెడ్డి ఆశీస్సులతో నువ్వురుపాడు ఎంపిటిసి స్థానం నుండి కూటమి ఆధ్వర్యంలో తెలుగుదేశం అభ్యర్థిగా పోటీ చేస్తున్నానని,నువ్వురుపాడు సెగ్మెంట్ పరిధిలోని దేపూరు, నువ్వురుపాడు, ఎస్సీ, ఎస్టీ కాలనీలు తదితర అన్నిచోట్ల ప్రజలకు అవసరమైన రోడ్లు, సైడ్ కాలవలు ఏర్పాటు చేయించి అందరికీ త్రాగునీరు అందించేలా అన్ని ప్రాంతాల్లో వీధి దీపాలు ఉండేలా చేస్తానని ఖాజావలి పేర్కొన్నారు. మంత్రి ఆనం రామ నారాయణ రెడ్డి ఆత్మకూరు నియోజకవర్గంను అనూహ్యంగా అభివృద్ధి చేస్తున్నారని,అభివృద్ధికి నిధులు సాధించడంలో మంత్రి ఆనం రామనారాయణరెడ్డి అందివేసిన చేయి అని, ఆయన సహకారంతో నువ్వురుపాడు సెగ్మెంట్ అభివృద్ధికి తన వంతుగా ప్రత్యేక దృష్టి సారించి కృషి చేస్తానని ఖాజావలి పేర్కొన్నారు.తమ సెగ్మెంట్ పరిధిలోని అన్ని గ్రామాల, కాలనీల తెలుగుదేశం నాయకులు, కూటమి నాయకులు తనకు సంపూర్ణ సహకారం అందిస్తున్నారని, అన్ని వర్గాల ప్రజలు ప్రచారంలో ఆదరిస్తూ అండగా నిలుస్తున్నారని ఆయన పేర్కొన్నారు. ఎంపిటిసి పరిధిలోని ప్రజలందరూ ఆశీర్వదించి ఆనం రామనారాయణ రెడ్డి అభివృద్ధిని గుర్తించి సైకిల్ గుర్తుపై ఓట్లు వేసి తనకు విజయం చేకూర్చాలని, మండల తెలుగుదేశం జడ్పిటిసి అభ్యర్థిగా పోటీ చేస్తున్న డాక్టర్ తూమాటి శశిధర్ రెడ్డికి అందరూ సైకిల్ గుర్తుపై ఓట్లు వేసి విజయం చేకూర్చాలని ఖాజావలి కోరారు.