రేణిగుంట 5వ ఎంపీటీసీ స్థానంలో బీజేపీ బీడీ బాలాజీ ఘన విజయం!

రేణిగుంట మేజర్ న్యూస్: రేణిగుంట మండల 5వ ఎంపీటీసీ స్థానంలో బీజేపీ అభ్యర్థి బి.డి. బాలాజీ ఘన విజయం సాధించారు. వైసీపీ అభ్యర్థి భవనాసి నాగరాజుపై 408 ఓట్ల మెజారిటీతో గెలుపొందారు. ఎన్నికల ఫలితాల ప్రకారం బీజేపీ అభ్యర్థి బి.డి. బాలాజీకి 1,218 ఓట్లు రాగా, వైసీపీ అభ్యర్థి భవనాసికి 810 ఓట్లు పోలయ్యాయి. దీంతో బాలాజీ 408 ఓట్ల ఆధిక్యంతో విజయకేతనం ఎగురవేశారు.అలాగే నోటాకు 22 ఓట్లు, చెల్లని ఓట్లు 32 నమోదైనట్లు ఎన్నికల అధికారులు వెల్లడించారు. ఈ విజయంతో బీజేపీ శ్రేణులు, బీడీ బాలాజీ అభిమానులు హర్షం వ్యక్తం చేశారు.