BREAKING
ఎంపీపీగా సబ్బవరపు సత్య వరలక్ష్మి ఏకగ్రీవంగా ఎన్నిక సైబర్ నేరాలపై ప్రజలకు అవగాహన కల్పించిన - ఎస్ఐ కొమురయ్య ఘనంగా ఇందిరా గాంధీ జయంతి వేడుకలు చిత్తూరు రూరల్ మండల పీఠంపై ఎంపీపీ ,జయచంద్ర నాయుడు, వైస్ ఎంపీపీగా, లావణ్య. రాజగోపాల్ రెడ్డి వ్యాఖ్యలు పార్టీకి తీవ్ర నష్టం టీపీసీసీ ప్రధాన కార్యదర్శి చనగాని ప్రభుత్వ జూనియర్ కళాశాలను తనిఖీ చేసిన జిల్లా మాధ్యమిక విద్యాధికారి ఎండి కైసర్ పాషా రామగిరి ఎంపీపీ, వైస్ ఎంపీపీ ప్రమాణ స్వీకారోత్సవ కార్యక్రమానికి హాజరైన పరిటాల సునీతమ్మ ఘనంగా ఇందిరాగాంధీ జయంతి వేడుకలు పెళ్లిరోజున మొక్క నాటిన మాజీ జెడ్పీటీసీ ఉమ కొండయ్య దంపతులు. గుడిరేవు ప్రభుత్వ పాఠశాలలో నీటి సంరక్షణకై 'జల ప్రతిజ్ఞ' జీవ రసాయన పద్ధతులతో చేసే వ్యవసాయం లాభసాటి ఇందిరా గాంధీ జయంతి వేడుకల్లో టీపీసీసీ చీఫ్‌ మహేష్, మంత్రులు సీతక్క, పొన్నం ఉత్తమ ఫలితాలు సాధించిన విద్యార్థులకు ప్రోత్సాహం అందించిన స్వచ్ఛంద సంస్థ క్వీన్స్ కమ్యూనిటీ గార్డెన్ పునరుద్ధరణలో 50 సెంట్ కృషి.. నేటికీ నిలిచిన ప్రత్యేక గుర్తింపు! రైతులతో ఫోన్లో మాట్లాడిన బి ఆర్ ఎస్ వర్కింగ్ ప్రెసిడెంట్ కే టీ ఆర్ - ఎండిన పంట పొలాలు పరిశీలించిన నడిపిల్లి విజత్

రాత్రికి రాత్రే ఆంధ్రకేసరి ప్రకాశం విగ్రహం తొలగించే ప్రయత్నం: అడ్డుకున్ విగ్రహ సాధన కమిటీ

Select Suryaa Now
రాత్రికి రాత్రే ఆంధ్రకేసరి ప్రకాశం విగ్రహం తొలగించే ప్రయత్నం: అడ్డుకున్  విగ్రహ సాధన కమిటీ

గుంటూరు : తెల్లదొరల తుపాకి గుండుకు తన గుండెను ఎదురొడ్డిన ధీరుడు.. శాలువా నాకెందుకు అరటిపళ్ళు ఇస్తే ఒక పూట గడిచేదిగా అనే నిరాడంబరుడు.. సమరయోధుడిలా అటు దేశానికి, ముఖ్యమంత్రిగా ఇటు రాష్ట్రానికి సేవ చేసిన ఆంధ్ర రాష్ట్ర మొట్టమొదటి ముఖ్యమంత్రి టంగుటూరి ప్రకాశం పంతులుకు గుంటూరులో ఘోర అవమానం జరిగింది. ఎక్కడైతే ఆయన 30వేల మంది స్వచ్ఛందకులతో సహాయ నిరాకరణ ఉద్యమం చేశారో.. అక్కడే ఆయన చరిత్రను చెరిపేసే ప్రయత్నం జరిగింది. రాత్రికి రాత్రే ప్రకాశం చౌక్‌పై పలుగులు దండెత్తాయి. విషయం తెలుసుకున్న ప్రకాశం పంతులు విగ్రహ సాధన కమిటీ ప్రతినిధులు, ఆంధ్ర కేసరి అభిమాన సంఘం నాయకులు అక్కడికి చేరుకోవడంతో ఆ కార్యక్రమానికి అడ్డుకట్ట పడింది.ప్రజోపయోగమైన ప్రగతి పనులు జరుగుతున్నప్పుడు దానికి అవరోధంగా ఉన్న వాటిని తొలగించడం సమంజసమే. దీన్ని ఎవరూ ఆక్షేపించరు. అయితే దేనికైనా ఒక పద్ధతి ఉంటుంది. ఆ పద్ధతి ప్రకారం వెళితే ఎవరూ అడ్డుకోరు. కుల, మత, రాజకీయాలకు అతీతంగా అక్కడ ప్రకాశం పంతులు విగ్రహాన్ని ఏర్పాటు చేసినప్పుడు దానికొక కమిటీ కూడా ఏర్పడింది. నగరపాలక సంస్థ అధికారులు ఆ విగ్రహాన్ని అక్కడి నుంచి తొలగించాలని నిర్ణయించినప్పుడు ముందుగా ఆ విషయాన్ని కమిటీకి తెలియజే యాలి. తర్వాత అందరి సమిష్టి ఆమోదంతో గౌరవంగా దానిని తరలించాలి.అయితే అలాంటి వేమీ జరగకుండానే ఇక్కడ ప్రకాశం పంతులు విగ్రహాన్ని పడేయాలని చూశారు. దీంతో ఆగ్రహించి న ప్రకాశం పంతులు విగ్రహ సాధన కమిటీ ప్రతినిధులు, ఆంధ్ర కేసరి అభిమాన సంఘం నాయకులు విగ్రహం ఎదుట ఆందోళనకు దిగారు. దీంతో అక్కడికి చేరుకున్న నగర ప్రణాళికా విభాగం అధికారి రాంబాబు వారితో మాట్లాడి అందరికీ ఆమోదకరమైన రీతిలోనే విగ్రహాన్ని తరలిస్తామని హామీ ఇచ్చిన మీదట వారు ఆందోళన విరమించారు.ఈ సందర్భంగా ఈచంపాటి వెంకటకృష్ణ (ఆచారి) మాట్లాడుతూ, ప్రకాశం చరిత్ర ఎవరో చెరిపేస్తే చెరిగిపోయేది కాదని స్పష్టం చేశారు. జరుగుతున్న అభివృద్ధికి ఆటంకం కలిగించాలన్నది తమ ఉద్దేశం కాదని.. అదే సమయంలో ప్రకాశం పంతులుకు అవమానం జరిగితే మాత్రం సహించేది లేదని ఆయన అన్నారు. బందా రవీంద్రనాథ్ మాట్లాడుతూ, ప్రకాశం పంతులు గుంటూరులో సహాయ నిరాకరణ ఉద్యమం చేపట్టిన స్థలంలో ఆయన విగ్రహం ‌స్థాపించడం సముచితమన్న భావనతో అన్ని రాజకీయ పార్టీల ఏకాభిప్రాయంతో విగ్రహం ఏర్పాటు చేసి దానికి ప్రకాశం చౌక్‌గా నామకరణం చేసుకున్నట్లు వెల్లడించారు. ఇప్పుడు కూడా అదే విధంగా అందరి సమిష్టి నిర్ణయంతో ప్రకాశం పంతులు గౌరవానికి భంగం వాటిల్లకుండా చర్యలు చేపట్టాలని ఆయన కోరారు. ఆంధ్ర కేసరి అభిమాన సంఘం ప్రధాన కార్యదర్శి బందా శశి మాట్లాడుతూ, గుంటూరులో ఎవరి విగ్రహాన్నైనా ఇలా అవమానకర రీతిలో తొలగిస్తారా.. అని అధికారులను సూటిగా ప్రశ్నించారు. మరి ప్రకాశం పంతులు అంటే అంత చులకన భావం దేనికన్నారు. దీన్ని ఎంత మాత్రం సహించబోమని ఆయన హెచ్చరించారు.ఈ ఆందోళనలో బత్తుల దేవానంద్, రత్నప్రసాద్, భాగ్యారావు, రబ్బాని, విజయమ్మ, రవి, వెంకటరమణ, మాదాసు కిరణ్, దాసు, ప్రసన్న, సుబ్బరాజు, శంకర్, అంబేద్కర్, సాల్మన్, శ్రీనునాయక్, ఆటో శ్రీను తదితరులు పాల్గొన్నారు.

 

సూర్య నాయక్