ప్రజలకు సేవ చేసే అవకాశం కల్పించండి

ఏలూరు, మేజర్ న్యూస్:   ఏలూరు జిల్లాలో తెలుగు నవగర్జన పార్టీ తరఫున కైకలూరు మండలం జడ్పిటిసి అభ్యర్థిగా గూట్ల ఈశ్వర్, ఉంగుటూరు జెడ్పిటిసి అభ్యర్థిగా పుట్టా కుమార్ లకు శనివారం స్క్రూట్నీలో జడ్పిటిసి అభ్యర్థులుగా పోటీ చేసేందుకు అవకాశం లభించింది. ఈ సందర్భంగా నవగర్జన పార్టీ రాష్ట్ర సెక్రటరీ పుట్టా కుమార్ మాట్లాడుతూ ఉంగుటూరు, కైకలూరు లలో పార్టీ తరఫున పోటీ చేస్తున్నామని తెలిపారు. ప్రజలు చిన్న పార్టీలను ఆదరించడం ద్వారా భవిష్యత్తులో తాము ప్రజలకు సేవ చేసే అవకాశం కల్పించాలని విజ్ఞప్తి చేశారు. తమను గెలిపించడం ద్వారా ప్రజలకు ఆయా మండలాల్లో సమస్యల పట్ల స్పందించి ప్రభుత్వ పథకాలను ప్రజలకు అందించేందుకు అదేవిధంగా మండల అభివృద్ధికి పాటుపడతామని తెలిపారు.